SIGAL UNIQA Group Austria mbetet kompania e sigurimeve më e besuar nga shqiptarët dhe ajo që paguan më shumë dëmshpërblime.
Këtë fakt e vërteton edhe raporti më i fundit i Autoritetit të Mbikqyrjes Financiare mbi ecurinë e tregut të sigurimeve në Shqipëri për periudhën janar-nëntor 2022.
Edhe sa i përket ndarjes së tregut, sipas llojit të sigurimit, i detyrueshëm dhe vullnetar, mes 8 kompanive që ushtrojnë aktivitetin e tyre në tregun shqiptar, SIGAL UNIQA Group Austria vijon të jetë kryesuese.
Sa i përket Sigurimeve të Detyrueshme, SIGAL mbetet në krye të tregut duke zënë mbi 21% të tregut.
Sigurimet e detyrueshme
Edhe në sigurimet vullnetare, sipas raportit të AMF, SIGAL UNIQA mbetet në krye të tregut me mbi 39% të tij dhe me diferencë prej mbi 11% me 7 kompanitë e tjera që operojnë në treg.
Sigurimet Vullnetare
Gjithmonë pranë klientëve përmes produkteve të sigurimit novatore dhe unike për tregun shqiptar dhe rajonal, SIGAL UNIQA Group Austria ofron për mbi 1 milion klientët e saj siguri, mbrojtje dhe komoditet maksimal.
Të përkushtuar dhe me profesionalizëm, mbi 2000 punonjës dhe agjentë të SIGAL UNIQA shërbejnë me profesionalizëm në mbi 1200 zyra në 3 shtete, me standarte tërësisht europiane.
Mbi 121 milionë euro asete dhe më shumë se 400 milionë euro dëme të paguara në mbi 23 vite, janë dëshmia më e madhe e fuqisë, përgjegjshmërisë dhe korrektësisë të kësaj kompanie përballë klientëve.
Për këtë arsye, shqiptarët dhe jo vetëm, vazhdojnë ti besojnë SIGAL UNIQA-s jetën, shëndetin, pronën, automjetin dhe pensionin privat.
