Shorti i hedhur në Paris na mësoi me kundërshtarët e Shqipërisë në “UEFA Nations League”.
Kuqezinjtë e Sylvinhos do të kenë në grup: Republika Çeke, Ukrainë dhe Gjeorgjinë.
Ndërsa Kosova do të ketë kundërshtarë: Rumani, Qipro dhe fituesen e Lituani-Gjibraltar.
Ndeshjet do të zhvillohen sipas sistemit vajtje-ardhje.
Gjithçka do të nisë në shtator të këtij viti, ku Shqipëria do të zhvillojë dy sfidat e para.
Më pas në tetor do të zhvillohen dy ndeshjet e tjera dhe në muajin nëntor do të mbyllet gjithçka me dy duelet e fundit të grupit.
Ndeshja 1 – 5-7 Shtator 2024
Ndeshja 2 – 8-10 Shtator 2024
Ndeshja 3 – 10-12 Tetor 2024
Ndeshja 4 – 13-15 Tetor 2024
Ndeshja 5 – 14-16 Nëntor 2024
Ndeshja 6 – 17-19 Nëntor 2024
Liga e Kombeve ngriti siparin në sezonin 2018-2019. Shqipëria, në dy sezonet e para ka garuar në Ligën C dhe pas suksesit të arritur në sezonin 2020-2021 duke u renditur në vendin e parë në Grupin 4 të Ligës C, ka avancuar në Ligën B.
