Një aksident ka ndodhur pasditen e sotme në aksin rrugor Korçë-Liqenas, në afërsi të fshatit Zvezdë, Maliq, ku një person ka mbetur i plagosur.
Policia bën me dije se automjeti tip “Volkswagen” me drejtues shtetasin A. K., 27 vjeç, banues në fshatin Vloçisht, Maliq, është përplasur me një karrocë të tërhequr me kafshë pune, me drejtues A. A., rreth 80 vjeç, i cili për pasojë ka marrë dëmtime dhe u dërgua për mjekim në spitalin e Korçës, aktualisht jashtë rrezikut për jetën.
Ky është një rast i përsëritur, kryesisht në qarkun e Korçës, ku mjete jashtë çdo standarti, siç janë edhe mjetet bujqësore, lëvizin në rrugë nacionale të pashqetësuar nga Policia Rrugore.
