Makinat e reja janë gjithnjë e më të kushtueshme. Por janë edhe më të qëndrueshme se më parë, gjë që do të thotë se blerësit kanë më shumë mundësi të marrin vlerën e parave të tyre.
Ndërkohë që çmimi mesatar i transaksionit për makinat e reja në SHBA ka arritur një shifër të vlerësuar në 45.872 dollarë në nëntor – më e larta e regjistruar ndonjëherë – sipas një parashikimi të përbashkët të J.D. Power dhe LMC Automotive – edhe mosha mesatare e makinave në qarkullim ka arritur rekordin historik 12.2 vite në vitin 2022, sipas një raporti të IHS Markit.
Një dekadë më parë, mosha mesatare ishte pak më shumë se 11 vjet. Në vitin 2002 ishte 9.6 vjet.
Sipas Will Kaufman, redaktor i lajmeve në Edmunds, përparimet në të gjithë sektorët, nga materialet te teknologjia kanë ndikuar në këtë rezultat “dhe është një gjë e mirë fakti që sot automjetet zotërojnë mënyra më të mira për të paralajmëruar drejtuesit në raste të problemeve të mirëmbajtjes”.
10 makinat me jetëgjatësinë më të madhe
Ndër modelet me jetëgjatësinë më të madhe, Toyota Sequoia kryeson klasifikimin, me mundësinë për të përshkuar rreth 300,000 milje, ndjekur nga Land Cruiser, sipas një studimi të fundit të iSeeCars, i cili ka analizuar më shumë se 2 milionë automjete në 20 vitet e fundit, për të parë se cilat automjete mund të jetojnë më gjatë.
Në përgjithësi, SUV-ët dhe kamionët janë llojet më të zakonshme të automjeteve që renditen në top 10, ndërsa makinat e pasagjerëve më efikase nga pikëpamja e konsumit, duke përfshirë Prius dhe Avalon, fituan dy vende në klasifikim.
“Blerësit vlerësojnë shumë besueshmërinë e shtëpive automobilistike dhe janë veçanërisht të ndjeshëm ndaj ndikimit që reputacioni për besueshmëri – ose jo – mund të ketë në markën e tyre” – deklaroi Kaufman.
Gjashtë nga dhjetë të parët janë SUV, kamionë ose automjete Toyota. Ndër konkurrentët e tjerë në top 5 gjejmë Chevrolet Suburban dhe GMC Yukon, të dyja SUV.
Si rregull i përgjithshëm, pjesa më e madhe e drejtuesve të makinave marrin në konsideratë kuotën 200,000 milje si kufirin maksimal të jetëgjatësisë së një makine, megjithëse disa modele, kanë, në mënyrë të dukshme, potencialin për të udhëtuar shumë më larg.
Sipas IHS Markit, i cili gjurmon regjistrimet e automjeteve në çdo shtet, oferta e kufizuar e automjeteve dhe kamionëve të rinj për shkak të mungesës së chip-ave ka nxitur konsumatorët të përdorin më gjatë automjetet që zotërojnë.
Miliona njerëz që më parë udhëtonin për në punë, kanë përshkuar më pak kilometra me makinat e tyre teksa punonin nga shtëpia, duke zgjatur më tej jetën e automjeteve të tyre.
Ku mund ta gjeni Toyota-n në Shqipëri?
“Toyota Albania ALTO Sh.p.k” është përfaqësues i vetëm zyrtar i gjigandit japonez në Shqipëri.
“Filozofia jonë bazohet në shërbimin profesional ndaj klientit, duke nisur me prezantimin e automjeteve në sallon, dhënien e informacioneve të detajuara për çdo model, ofrimin e mjeteve Test Drive, asistenca pas shitjes dhe kryerja e të gjitha shërbimeve në kohën e duhur dhe mbi të gjitha “Toyota Albania – Alto Sh.p.k” është e vetmja kompani në Shqipëri që ofron automjete me garanci 10 vjet”, shprehen drejtues të kompanisë.
LEXO EDHE: E vetmja markë me 10 vite garanci/ Ambasadori i Japonisë viziton showroom-in e “Toyota Albania”
Por cilat janë mundësitë e blerjes?
“Toyota Albania – Alto Sh.p.k.” bashkëpunon me të gjitha bankat e nivelit të dytë dhe institucionet financiare që operojnë në Republikën e Shqipërisë.Kjo u jep mundësinë klientëve të kenë gjithmonë një automjet të ri duke paguar përmes ofertave financiare,të personalizuara sipas profilit, apo kërkesave specifike të tyre.
“Toyota Albania – Alto sh.p.k” i ofron të gjithë klientëve të saj të cilët kanë një automjet Toyota vlerësimin maksimal për automjetin e përdorur që ata kanë ,duke i ofruar mundësinë ta zëvendësojnë atë me një automjet të ri”.
Servisi i autorizuar “Toyota”
“Nuk mund të lëmë pa përmendur dhe një nga pjesët më të rëndësishme të ofertës tonë për konsumatorin shqiptar.
Servis i autorizuar ”Toyota”, cka do të thotë që në servisin tonë konsumatorit i ofrohet i njëjti shërbim dhe cilësi shërbimi si në çdo pikë tjetër “Toyota” në Europë.
Përveç çdo servisi të specializuar mekanik, xhenerik, elektrik, kontroll me banko provë, servis i plotë për lyerje, ku zëvendësimi i pjesëve të konsumuara bëhet vetëm me pjesë origjinale, pranë servisit tonë do të merrni shërbim të specializuar dhe për diagnostifikimin e gjendjes së baterisë hybride.
Jemi i vetmi servis ku për automjete nën 10 vite të përdorura dhe deri në 185.000 km ofrojmë per automjetin 1 vit garanci shtese nese kryheni shërbimin tek ne”.
Adresa: Autostrada Tiranë-Durrës Km 5
Web: www.toyotaalbania.al
Cel: 069 20 81 552
