“Xprimm”: Tregu i sigurimeve në Kosovë shënon rritje gjatë 2023-shit. SIGAL UNIQA mbetet lidere në prime dhe dëmshpërblime

Primet e shkruara bruto të kompanive të sigurimeve në Kosovë u rritën me mbi 9% duke arritur në 146.5 milionë euro gjatë vitit 2023. Ndërsa  totali i dëmeve të paguara bruto u rrit me 11.5% në vit duke arritur në 71.70 milionë euro.

Kështu shkruan “Xprimm” teksa i referohet shifrave zyrtare të publikuara nga Banka Qendrore e Kosovës.

Primet e shkruara bruto në sigurimet e jo-jetës arritën në 139.85 milionë euro, nga 127.72 milionë euro gjatë vitit 2022, ndërsa ato në sigurimin e jetës u rritën në 6,65 milionë euro nga 6,30 milionë euro.

Numri i policave të sigurimit të jo-jetës arriti në 1.48 milionë, nga të cilat 572.8 mijë  TPL, 503 mijë  polica kufitare dhe 405.7 mijë kontrata të tjera sigurimi.

Sipas të dhënave të publikuara nga Banka Qendrore, gjatë vitit 2023, fitimi neto i përgjithshëm i siguruesve vendas u trefishua duke arritur në 10.7 milionë euro nga 3.5 milionë euro gjatë 2022-shit.

Në të njëjtën kohë, asetet e e kompanive të sigurimeve u rritën në 305.4 milionë euro, nga 267.5 milionë euro të një viti më parë. Nga këto, siguruesit e jetës mbajnë 25.5 milionë euro, ndërsa pjesa e mbetur prej 279.9 milionë euro administrohet nga siguruesit e jo-jetës.

Shifrat në fjalë përfshijnë të dhënat për 12 kompani të sigurimit që operojnë në Kosovë (7 prej tyre me pronësi të huaj), 10 sigurues të jo-jetës dhe dy të jetës.

Edhe për vitin 2023, sipas të dhënave të sapopublikuara nga Banka Qëndrore e Kosovës, SIGAL UNIQA Group Austria mbetet kompania më e madhe.

Sipas BQK, gjatë gjithë 2023 SIGAL UNIQA ka ruajtur pozitën e liderit në treg duke shënuar një volum primesh prej 19,046,899 eurosh.

Nga 10 kompanitë që operojnë në tregun e sigurimeve të jo-jetës, SIGAL UNIQA Kosovë zë 14% të tij.

Nëse e krahasojmë me vitin 2022, SIGAL UNIQA ka një rritje primesh prej mbi 2.5 milionë eurosh, çka tregon edhe besimin gjithmonë në rritje të qytetarëve dhe bizneseve ndaj kompanisë.

Edhe sa i përket dëmeve të paguara, SIGAL UNIQA Group Austria Kosovë mbetet sërish në krye të tregut.

Sipas të dhënave të BQK-së, SIGAL UNIQA ka paguar 16,3% të totalit të dëmeve të tregut gjatë vitit 2023. E thënë në shifra konkrete 11,465,739 Euro ose 3,6 milionë euro më shumë krahasuar me vitin 2022.