Viti i Ri i këtij viti do të shënojë fillimin më të ngrohtë të një viti të ri që është regjistruar ndonjëherë në historinë meteorologjike të Evropës.
Parashikimet e ekspertëve dhe meteorologëve tregojnë se temperaturat e larta për sezonin do të vazhdojë në ditët në vijim edhe në vendin tonë.
“Sipas të dhënave më të fundit nga Modeli Evropian ECMWF dhe pjesa tjetër e modeleve globale të parashikimit, të gjitha vendet e Evropës po kalojnë në ditët në vijim drejt një pushtimi të ri nga i ngrohti. Për shumicën e vendeve të kontinentit të vjetër do të jetë, sipas të gjitha gjasave, fillimi më i ngrohtë i një viti të ri i regjistruar ndonjëherë në historinë e tij!”, vëren Sakis Arnautoglou.
Temperaturat e larta për stinën do të vazhdojnë, ndërsa periudha para Krishtlindjeve tashmë është karakterizuar nga fenomene ekstreme në të gjithë botën.
Në të njëjtën kohë që Amerika e Veriut është e prekur nga vlera jashtëzakonisht të ulëta të temperaturave, Evropa përjetoi më 23 dhjetor një nga ditët më të ngrohta të paktën për 150 vitet e fundit për dhjetorin.
Më konkretisht, Shërbimi Meteorologjik Kombëtar i Francës Météo-France publikoi se rekordet e temperaturës u thyen për muajin dhjetor në 17 stacione meteorologjike me rekorde që mbaheshin prej më shumë se 80 vjetësh.
Termometrat në Francën kontinentale jugore dhe Korsikë treguan deri në 23,5°C dhe në Francën veriore deri në 16°C (në Paris 15,7°C).
Kjo është hera e 11-të e këtij viti që Franca preket nga temperatura jashtëzakonisht të larta për sezonin dhe për të dytin vit radhazi që thyhen rekordet e temperaturave në dhjetor.
