Kryeministri Edi Rama ishte dje i ftuar në emisionin “Opinion” ku ndër të tjera foli edhe për rritjen e çmimeve dhe vështirësitë që po hasin kryesisht pensionistët.
Një grua është ngritur nga karrigia dhe është përballur në emision live me Ramën, duke i kërkuar llogari për pensionin e ulët pasi siç thotë ajo e ka të pamundur jetesën me 75 mijë lekë.
Por kryeministri e pyeti me mburrje nëse e ka marrë bonusin me vlerë 30 mijë lekë të vjetra si pjesë e paketës së Rezistencës Sociale.
LEXO EDHE: Koha që qytetarët në Shqipëri të shohin Fondet Private si e vetmja zgjidhje për rritjen e pensioneve
Debati në Opinion:
E moshuara (çohet nga karrigia dhe i drejtohet tavolinës së Ramës): Marrim pension të ulët…
Rama: E more bonusin e “Rezistencës Sociale” me vlerë 3 mijë lekë të reja?
Pensionistja: Po e mora, nuk mjaftojnë…
Jashtë debatit nuk qëndroi as moderatori i emisionit Blendi Fevziu, i cili solli për kryeministrin edhe një shembull konkret nga një pensionist tjetër në studio.
Blendi Fevziu: Ky është pensioni i zonjës. 7800 Lekë, apo jo? Ça mund të bëjë zonja me këto lekë?
