Vullkani Kubre Vieha me vendndodhje në ishullin La Palma ka shpërthyer mbrëmjen e të dielës duke shkaktuar panik.
Sipas mediave vendase, teksa ende nuk janë mbushur 24 orë nga shpërthimi i vullkanit në ishujt Kanarie, llava e rrëmbyeshme ka përpirë 20 shtëpi.
Banorët e zonës janë alarmuar, ndërkohë që ka nisur evakuimi i tyre.
Video të shumta janë shpërndarë në rrjetet sociale, ku shihet pamja tronditëse nga vendngjarja. Dëshmitarët okularë kanë thënë se tymi dhe llava shpërtheu qindra metra lart, teksa lumenjtë e llavës janë drejtuar drej Oqeanit Atlantik.
Autoritetet lokale kanë evakuuar rreth 5,000 banorë nga katër fshatra, përfshirë El Paso dhe Los Lianos de Aridane.
Sipas Presidentit të Ishujve Kanarie Angel Victor Torres, banorët e fshatrave tjerë nuk do të duhet të lëvizin nga shtëpitë e tyre.
Aktualisht nuk raportohen të plagosur apo viktima nga shpërthimi vullkanik.
Lava swallowing homes, today in La Palma, Canary Island pic.twitter.com/FFJASdpxGf
— Joaquim Campa (@JoaquimCampa) September 19, 2021
