Industria e sigurimeve në Turqi ka paraqitur disa sugjerime që sipas saj do të kontribuojnë në zhvillimin e qëndrueshëm të sektorit. Propozimet e Shoqatës përfshijnë:
- Heqja e sigurimit të jetës nga objekti i “marrëdhënieve të vazhdueshme të biznesit” sipas rregulloreve kundër pastrimit të parave/financimit të terrorizmit (LPP/CFT).
Sipas argumentimeve të Shoqatës, përjashtimi është i garantuar sepse sigurimi i jetës konsiderohet si një aktivitet me rrezik të ulët.
- Rritja e pragut për verifikimin e identitetit
Rritja e shumës minimale të pagesave me para në dorë nga 75,000 TRY (4,000 dollarë) në 300,000 TRY (16,000 dollarë) për verifikimin e identitetit. Rritja do të ruajë pragun në Turqi në nivelin prej 10,000 euro për 15,000 dollarë. Kjo shumë mund të rritet duke marrë në konsideratë inflacionin.
- Praktikat lehtësuese lidhur me identifikimin
Rekomandohet që të hiqet detyrimi i siguruesve për të marrë një mostër nënshkrimi gjatë procesit të identifikimit të klientit, si në aspektin e prokurimit ashtu edhe atë të ruajtjes. Kërkesa krijon një barrë operacionale për siguruesit jo në përpjesëtim me rrezikun e ulët të sektorit. Shoqata rekomandon që identiteti i klientit të përcaktohet duke përdorur kartën turke të identitetit dhe informacionin e marrë përmes Sistemit Turk të Shkëmbimit të Informacionit të Identitetit ose Sistemit Qendror të Menaxhimit të Popullsisë.
- Komisioni i Arbitrazhit të Sigurimeve
Komisioni i Arbitrazhit të Sigurimeve funksionon që nga viti 2009 për zgjidhjen e mosmarrëveshjeve për kontratat e sigurimit nga ekspertë të fushës. Rreth 300,000 çështje në vit përfundojnë përmes arbitrave. Shoqata propozon që të hartohet rregullore për të forcuar paanshmërinë dhe pavarësinë e Komisionit dhe arbitrave.
