Një qytetar i shkroi faqes Sigurime.Online një shqetësim.
Sipas tij, muajin e shkuar, pasi e kishte zënë gjumi në timon kishte goditur mjetin përpara.
Në procesverbalin e aksidentit ishte dokumentuar fajësia e tij.
Qytetari kishte firmosur dhe e kishte pranuar fajësinë, dëmin material te mjeti përballë e kishte mbuluar kompania e tij e sigurimeve përmes siguracionit TPL.
Gjithçka në rregull.
Pak ditë pas aksidentit, diku kishte dëgjuar shkarazi një informacion të paplotë dhe e kishte keqkuptuar: se çdo dëm që kompania e sigurimeve paguan te palët e treta dhe që u është shkaktuar nga i siguruari me TPL, i kërkohet mbrapsht si vlerë monetare të siguruarit shkaktar.
Si qëndron e vërteta?
Qytetari në fjalë, nëse në procesverbal, përveç shkeljeve të dispozitave të Kodit Rrugor, që shkaktuan aksidentin automobilistik, MUND TË QËNDROJË I QETË nëse nuk ka qenë në kushtet e parashikuara nga neni 23 i ligjit 32/2021 për sigurimin e detyrueshëm të transportit rrugor, :
- as në drejtim mjeti në mospërputhje me qëllimin e përcaktuar
- as me leje të pavlefshme të drejtimit të mjetit motorik, apo të papërputhur me kategorinë apo tipin e mjetit
- as me leje të pezulluar të drejtimit, apo me ndalim drejtimi të tipit apo kategorisë së mjetit
- as nën ndikimin e alkoolit mbi kufirin e lejuar, nën ndikimin e lëndëve narkotike apo psikoaktive
- as në kushtet e shkaktimit të qëllimshëm të dëmit
- as në kushtet e mungesës së certifikimit të kushteve teknike të automjetit
Ndaj tij nuk do të shkojë kurrë një kërkesë për të kthyer mbrapsht vlerën e dëmit që kompania siguruese u ka paguar palëve të treta të dëmtuara.
Vetëm në 6 rastet e listuara më sipër, sipas pikës 3 të nenit 23 të ligjit për sigurimin e detyrueshëm në transportin rrugor, shoqëria e sigurimit, nëse ka paguar dëmet te pala e
dëmtuar, ka të drejtë të rimbursojë të gjithë masën e paguar për dëmet, interesat dhe shpenzimet nga personi përgjegjës për dëmet.
