Mesdheu vijon të jetë në ndikimin e zonës me presion të ulët dhe masave ajrore të paqëndrueshme duke mbajtur mot të paqëndrueshëm në territorin e Shqipërisë.
Agjencia Kombëtare e Mbrojtjes Civile njofton se duke filluar nga mbrëmja e djeshme deri ditën e sotme, sipas parashikimit të Institutit të Gjeoshkencave priten reshje mesatare dhe lokalisht intensive në qarqet Shkodër dhe Kukës të cilat mund të shoqërohen me shtrëngata.
Në qarqet Dibër dhe Lezhë priten reshje të dobëta deri lokalisht mesatare, ndërsa në pjesën tjetër të qarqeve priten reshje të dobëta.
Informacion nga Agjencia Kombëtare e Mbrojtjes Civile
RRESHJET pritet të ndikojnë në disa pjesë të vendit tonë.
Parashikimi nga ekspertët e Institutit të Gjeoshkencave ‘IGJEO’ tregon se sot pasdite (e enjte, dt. 26) dhe nesër (e premte, dt. 27) priten reshje mesatare dhe lokalisht intensive në qarqet Shkodër dhe Kukës të cilat mund të shoqërohen me shtrëngata.
Në qarqet Dibër dhe Lezhë priten reshje të dobëta deri lokalisht mesatare, ndërsa në pjesën tjetër të qarqeve priten reshje të dobëta.
Në këtë kohë, bashkitë të mobilizojnë strukturat operacionale dhe të mbajnë në gadishmëri mjetet për t’ju ardhur në ndihmë qytetarëve në raste nevoje.
Ne ju kujtojmë se siguria është prioritare. Nëse hasni në ndonjë situatë emergjente, ju lutemi të kujdeseni për veten tuaj dhe për të tjerët. Numri i emergjencave 08000911 është gati për t’ju ndihmuar dhe për t’ju ofruar këshilla në kohë reale.
Në kohët e sfidave, unitet dhe ndihma ndaj njëri-tjetrit janë thelbësore. Le të bëhemi një komunitet i përgjegjshëm dhe të jemi në ndihmë të njëri-tjetrit në çdo moment.
LEXO EDHE: Po nga përmbytjet kush na siguron?
