Dy të rinj, motër e vëlla, janë aksidentuar teksa udhëtonin me makinë dhe kanë përfunduar në spital.
Ngjarja ndodhi te kryqëzimi i Niklës, ku automjeti me drejtues 26 vjeçarin E. Ç., është përplasur me automjetin me drejtues 32-vjeçarin D. F.
Si pasojë e këtij aksidenti, kanë mbetur të dëmtuar drejtuesi i automjetit E. Ç., dhe pasagjerja në këtë automjet, motra e tij 22-vjeçare, të cilët ndodhen në spital, në kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të këtij aksidenti.
