E ftuar në “Aldo Morning Show”, në Tv Klan, okulistja Nora Burda ka folur në lidhje me infeksionet e syve dhe mjekimet popullore.
Për këtë të fundit, ajo tregon disa nga rastet ku njerëzit kanë përdorur hudhër, raki, por edhe urinë për të mjekuar sytë.
Sipas saj, përdorimi i tyre është i dëmshëm, pasi mund të djegin xhamin e syrit, për shkak të aciditetit.
Aldo: Cili është momenti që duhet shkuar tek okulisti? Se disa gjëra i di the halla për shembull.
Nora Burda: Këta i bëjnë me hudhër, me kamomil.
Aldo: Hudhër?
Nora Burda: Po more, hudhër. S’ke dëgjuar? Me raki.
Aldo: Me raki në sy?!
Nora Burda: Me raki në sy. “Hodha një çikë raki në sy”, tha gjyshi, “se më digjnin sytë”.
Aldo: Vërtet me raki?
Nora Burda: Me çfarë nuk i bëjnë. Patate, karota, qepë, hudhra…
Aldo: Hudhra?
Nora Burda: “E marr hudhrën”, thotë, “e shtrydha në sy, se më digjnin sytë”. “E ke përvëluar xhamin e syrit”, i thashë, “o gjysh çfarë bën”.
Aldo: As në filmat horror s’i kam parë këto.
Nora Burda: I përdorin, i përdorin. Kamomilin po e po njëherë. Qumësht gjiri, se as këtë s’e dije ti, që të shërohen inflamacionet e syrit me qumësht gjiri. Mjekësi popullore.
Aldo: Ej, do të të them ç’kam dëgjuar një tjetër? Çiçin e fëmijës së vogël.
Nora Burda: E mirë, se nuk desha ta thosha.
Aldo: E kam dëgjuar të betohem.
Nora Burda: Ore të rriturit, të rriturit. Kështu më ka thënë një pacient: “Doktoresha bëra çiçin dhe mjekova sytë se më bën shumë mirë”. “Mbase është i mirë për veshka o burrë”, i thashë, “e ke ngatërruar”. “Por nuk është e mirë për sytë”, i thashë, “sepse ka aciditet. Ti më djeg xhamin e syrit”. Por që përgjithësisht, merren me këto gjëra, nuk është se nuk merren.
