Dy fëmijë të moshave 12 dhe 16 vjeç kanë mbetur të plagosur si pasojë e një aksidenti të ndodhur në Elbasan.
Mësohet se makina tip ‘Opel’ që drejtohej nga një 61-vjeçar ka përplasur dy fëmijët që po udhëtonin me biçikletë.
Raportohet se fëmijët ishin duke lëvizur në krah të rrugës, por një manovër e gabuar e makinës ka bërë që të ndodhë aksidenti.
Të miturit janë dërguar me urgjencë në spital, ku po marrin trajtim mjekësor. Fatmirësisht bëhet e ditur se ata janë jashtë rrezikut për jetën.
