Në vitin 2021, primet e sigurimit të bujqësisë në Kinë arritën 15.2 miliardë dollarë, duke shënuar një rritje prej 18.4% nga një vit më parë, sipas Ministrisë së Financave.
Për të mbështetur zhvillimin e industrisë bujqësore, sigurimi bujqësor në Kinë mbulon humbjet e mundshme të prodhimit apo cilësisë së disa kulturave për shkak të fatkeqësive natyrore, sëmundjeve të bimëve dhe insektet, dhe nga disa risqe të tjera.
Qeveria kineze ka zgjeruar politikat e saj të sigurimit bujqësor për të mbrojtur më shumë fermerë dhe për të forcuar prodhimin e të korrave, duke përfshirë orizin, grurin dhe misrin, në një përpjekje për të përmirësuar sigurinë e furnizimeve ushqimore.
Subvencionet e sigurimeve u zgjeruan në 500 qarqe kryesore të rritjes së drithit në 13 provinca në vitin 2021 dhe për të gjithë prodhuesit e drithit në këto provinca deri në vitin 2022.
Lexo edhe: 10 mln $ Garanci Sovrane për bujqësinë, Shoqata e Fermerëve: Të përdorej për sigurimin e serave
Garancia Sovrane prej 1 miliard lekësh në dispozicion të fermerëve për të financuar 50% kolateralin e kredive të bujqësisë konsiderohet nga shoqatat e fermerëve dhe bizneseve një masë e pamjaftueshme për të zgjidhur problematikat e shumta të sektorit.
Sipas Shoqatës, fondi do të ishte më i vlefshëm nëse do të përdorej për të mbuluar primin e sigurimit të serave.
“Jemi në një pikë ku investimet në bujqësi po braktisen. Masat e qeverisë duhet të fokusohen në ruajtjen e investimeve, nuk është momenti për investime të reja, pasi kreditë janë për investime të reja”.
Lexo edhe: Bujqësia shqiptare në luftë për mbijetesë/ Niveli i ulët i sigurimit shton rreziqet
Pak javë më parë, në një intervistë televizive, Kryetari i Shoqatës së Siguruesve të Shqipërisë dhe CEO i SIGAL UNIQA, z.Avni Ponari preku arsyet pse Sigurimi në Bujqësi është i ulët dhe mundësitë që ofron tregu për fermerët.
Ai shtoi se sigurimi nuk duhet të jetë i detyrueshëm me ligj por sugjeron që çdo qytetar të mund të marrë pjesë në rreziqe katastrofike.
“Sigurimi nuk duhet të jetë i detyrueshëm, është pjesëmarrje në rreziqe katastrofike ku merr pjesë çdo qytetar me 2, 5, 10, 15 euro por jo ligj i detyrueshëm. Nëse ti paguan 15 euro ti paguan jo vetëm për vete, për shtëpinë tënde por edhe për atë që përmbytet dhe katastrofa dhe bën të mundur mbulimin nga rreziqe katastrofike, një modul ky që e kanë bërë shumë vende. Ka dhjetëra fermerë dhe ferma që sigurohen çdo vit. Nuk mund të them që Shqipëria nuk ka eksperiencë në këtë fushë, ekzistojnë sigurimet”, tha ndër të tjera Ponari.
