Tregu i sigurimeve në Shqipëri ka shënuar një rritje gjatë 3-mujorit të parë të vitit 2023, si në volumin e arkëtimeve, ashtu edhe në numrin e kontratave të nënshkruara.
Sipas Autoritetit të Mbikqyrjes Financiare, të ardhurat nga primet e shkruara bruto të sigurimit për muajin janar-mars 2023 kapën vlerën 5,1 miliardë lekë, rreth 50 milionë dollarë, 20.12% më shumë se e njëjta periudhë e një viti më parë.
Edhe sa i përket pagesës së dëmeve, tendenca rritëse e vitit 2022, ka vijuar edhe në 3-mujorin e vitit 2023, me 10% rritje në vlerë të dëmeve të paguara krahasuar me të njëjtën periudhë të vitit të kaluar.
Por cila është kompania e sigurimit që ka paguar më shumë dëme këtë tre-mujor?
Mes 8 kompanive që ushtrojnë aktivitetin në Sigurimet e Jo-Jetës, SIGAL UNIQA Group Austria është kompania që ka paguar më shumë dëme tek klientët gjatë periudhës janar-mars 2023.
Tetë kompanitë së bashku kanë paguar 1,48 Miliardë Lekë dëme, ndërsa vetë SIGAL UNIQA rezulton të ketë paguar mbi 325 milionë Lekë.
Struktura e dëmeve në sigurimet e Jo-Jetës
Pjesa më e madhe e dëmeve të paguara gjatë tre-mujorit të parë 2023 ka shkuar për Sigurimet Motorike, në diferencë të madhe me “Zjarri dhe dëmtime të tjera në pronë” dhe “Aksidente dhe Shëndeti”.
Rritja në pagimin e dëmeve ka ndikuar edhe në reduktimin e mëtejshëm të praktikave të dëmeve pezull.
Në fund të vitit 2022, numri i dëmeve pezull zbriti në nivelin më të ulët historik. Gjithashtu, edhe dëmet e paguara në numër ishin në nivelin më të lartë historik.
LEXONI KËTU RAPORTIN E PLOTË TË AMF
