Një sistem më i mirë shëndetësor publik mund të përmirësojë cilësinë e jetës.
Tirana, kryeqyteti shqiptar është vlerësuar me 48 pikë sipas Indeksit të Kujdesit Shëndetësor sipas qyteteve 2023, duke u renditur në vendin e 255 nga 266 qytetet e botës.
Indeksi i kujdesit shëndetësor renditet bazuar në faktorët e mëposhtëm:
- Infrastruktura për kujdesin shëndetësor
- Kostot
- Ofruesit e kujdesit shëndetësor si mjekët, infermierët dhe personeli tjetër mjekësor
- Qasje në barna me cilësi të lartë
Llojet e kujdesit shëndetësor
- Kujdesi shëndetësor universal i financuar nga qeveria – Të gjithë në vend kanë akses në kujdesin shëndetësor, pavarësisht nga statusi i tyre i punësimit ose rrethanat financiare. Shumë vende, duke përfshirë Australinë, Kanadanë, Singaporin, Norvegjinë dhe Mbretërinë e Bashkuar, përdorin këtë sistem.
- Sistemi universal i sigurimeve publike – Në mënyrë tipike, qeveria zbret fondet nga çeqet e pagave për të paguar sigurimin shëndetësor. Kina, Franca, Japonia, Koreja e Jugut dhe vende të tjera e përdorin këtë sistem.
- Sistemi universal i sigurimeve shëndetësore private – Ngjashëm me Holandën dhe Zvicrën, qeveria ofron subvencione për qytetarët me të ardhura të ulëta që nuk mund të përballojnë sigurimin.
Secilit qytet i jepet një vlerësim me një rezultat total nga 1-100. 5 qytetet kryesore me kujdesin më të mirë shëndetësor janë:
- Taipei (Tajvan ROC) Rezultati-86,4
Sistemi i kujdesit shëndetësor vendas beson se të gjithë meritojnë akses në kujdesin shëndetësor dhe kjo është arsyeja pse kostoja për pacientin është e ulët.
- Kaohsiung (Tajvan ROC) Rezultati-86,4
Sistemi i kujdesit shëndetësor në Kaohsiung është zgjeruar ndjeshëm vitet e fundit dhe shumë aspekte të ofrimit të kujdesit mjekësor janë ende duke u vlerësuar për përmirësim.
- Gold Coast (Australi) Rezultati-84,9
Australia ka një nga sistemet më të mira të kujdesit shëndetësor në botë. Ajo u siguron qytetarëve të saj akses në kujdes shëndetësor të përballueshëm dhe me cilësi të lartë.
- Chiang Mai (Tajlandë) Rezultati-84,1
Tajlanda është e njohur në mbarë botën për sistemin e saj të përballueshëm dhe adekuat të kujdesit shëndetësor. Chiang Mai është shtëpia e disa prej këtyre institucioneve që ofrojnë shërbime të një standardi ndërkombëtar.
- Trondheim (Norvegji) Rezultati-82,6
Në Norvegji, kujdesi shëndetësor nuk është i përballueshëm, por ai subvencionohet gjerësisht. Parimet qeverisëse të sistemit norvegjez të kujdesit shëndetësor janë aksesi universal, decentralizimi dhe zgjedhja e ofruesit.
Shqipëria është në listë me kryeqytetin Tirana e renditur e 255-ta duke përfunduar kështu në 11 qytetet me kujdesin shëndetësor më të dobët në botë me një rezultat prej 48 pikë në indeksin e kujdesit shëndetësor.
Rajoni më mirë
Qytetet e rajonit renditen më mirë krahasuar me Tiranën.
Qytetet bullgare, Varna dhe Sofja të vlerësuar përkatësisht me 62.2 dhe 57.4 pikë renditen në indeks në vendin e 192 dhe 217. Kryeqyteti serb Beogradi vlerësohet me 53,5 pikë dhe zë vendin e 238. Po ashtu një tjetër qytet i Serbisë përfshihet në renditje. Shërbimi i kujdesit shëndetësor në Novi Sad vlerësohet me 50,4 pikë dhe renditet dy vende para Tiranës, në vendin e 248-të.
Kryeqyteti i Maqedonisë së Veriut, Shkupi renditet në vendin e 234 me 54.5 pikë. Në indeks nuk përfshihet asnjë qytet i Malit të Zi dhe i Kosovës.
Qyteti me shërbimin më të mirë shëndetësor: Taipei (Tajvan ROC) 86,4 pikë.
Sistemi i kujdesit shëndetësor tajvanez, beson se të gjithë meritojnë akses në kujdesin shëndetësor. Kostoja për pacientin është e ulët. Përveç kësaj, qeveria ka krijuar iniciativa të specializuara për kujdesin shëndetësor. Si dëshmi e mbulimit, pacientët marrin një kartë ID, që përmban të dhënat e tyre mjekësore. Programi Tajvanez funksionon jashtëzakonisht mirë: 1% e financimit total i kushtohet shpenzimeve administrative.
Kujdesi shëndetësor përfshin kujdesin spitalor, kujdesin parësor, medikamentet me recetë dhe mjekësinë tradicionale kineze. Pagesa të përbashkëta kërkohen kur pacientët konsultohen me një mjek, plotësojnë një recetë ose vizitojnë urgjencën. Sidoqoftë, këto pagesa janë zakonisht modeste, mesatarisht 12 dollarë ose më pak.
Pacientët me të ardhura më të vogla kanë të drejtë për reduktime shtesë të kostove. Pacientët me të ardhura më të larta, mund të blejnë sigurime private për shërbimet, që nuk mbulohen nga sistemi.
Qeveria e qytetit të Taipeit, ka bashkuar forcat me Departamentet e Shëndetësisë, Mirëqenies Sociale dhe Teknologjisë së Informacionit dhe Komisionin e Ligjeve dhe Rregulloreve, për të promovuar “Shërbimet Telecare Taipei” (Taipei Telecare Services). Kjo kontribuon në promovimin e plakjes së shëndetshme në nivel lokal, zhvillimin e një sistemi të kujdesit gjithëpërfshirës dhe paqësor për të moshuarit, rritjen e mirëqenies në vendin e punës dhe uljen e rrezikut të sëmundjeve kronike.
Qytetet me kujdesin më të mirë shëndetësor
LEXO EDHE: E para në treg, e para në pagimin e dëmeve/ Sigurimi Privat i Shëndetit i besohet SIGAL UNIQA-s
