Një aksident ka ndodhur mëngjesin e sotëm në Pogradec, ku një kamion është përplasur me një automjet tip “Mercedes Benz” e për pasojë dy persona kanë mbetur të plagosur.
Policia bën me dije se në aksin rrugor “Korçë-Pogradec”, pranë vendit të quajtur Qafë Plloçë, automjeti kamion tip “Man” me drejtues shtetasin E. Z., është përplasur me automjetin tip “Benz” me drejtues shtetasin A. T.
Për pasojë janë dëmtuar shtetasit A. T., 52 vjeç dhe E. T., 30 vjeç, të dy banues në Elbasan, pasagjerë në automjetin tip “Benz”, të cilët ndodhen në spitalin e Pogradecit, aktualisht jashtë rrezikut për jetën.
