Anglia do t’iu japë fund të gjitha kufizimeve për luftim të pandemisë më 1 prill.
Kryeministri britanik, Boris Johnson u ka thënë ligjvënësve se personat e infektuar nuk do të kenë më detyrim ligjor për t’u izoluar, teksa ka prezantuar planin “e jetesës me COVID”.
Prej 1 prillit, ofrimi i testeve falas do të ketë shënjestër vetëm ata që janë më të cenuar, ka thënë Johson.
Mirëpo Shoqata e Mjekëve Britanikë, ka thënë se plani nuk mbron ata që rrezikohen më shumë nga ky virus.
Partitë opozitare kanë thënë se vendimi i kryeministrit për të dalë nga pandemia është shumë i shpejtë dhe kanë shprehur shqetësim për kthim mbrapsht të testimeve.
Johnson e ka përshkruar pandeminë si “dy prej viteve më të rëndë në historinë e tyre në paqe”. Sipas tij, kombi ka prekur pikun e variantit Omicron, dhe tani raportohet për rënie të numrit të rasteve dhe të personave të shtruar në spitale.
Zyra Kombëtare e Statistikave ka vlerësuar javën e kaluar se 1 në 20 persona është infektuar me koronavirus në Angli.
Lexo edhe: Italia lehtëson masat anti-COVID, nga 1 marsi nuk ka më karantinë
