Nëntë persona vdiqën nga ortekët në Austri dhe Itali gjatë fundjavës, pasi bora e madhe tërhoqi skiatorët në Alpe. Disa nga viktimat vdiqën pasi kishin bërë ski në zona të pashënuara, pavarësisht paralajmërimeve për rrezik të lartë orteku, tha policia.
Një shofer borëpastrues në Tirolin Lindor në Austri u gjet i vdekur pasi ishte goditur nga oretku i borës. Në Oetztal vdiq një skiator kinez 32-vjeçar, ndërsa në Zillertal u humbi jetën një 17-vjeçar nga Zelanda e Re dhe në Kleinwalsertal një gjerman 55-vjeçar i zhdukur që nga e premtja e kaluar u gjet i vdekur.
Më shumë se një duzinë orteqesh u raportuan vetëm në rajonin Tirol të Austrisë dhe autoritetet kishin vendosur nivelin e paralajmërimit.
Viktimat e tjerë përfshinin një udhërrëfyes skijimi 29-vjeçar dhe mysafirin e tij një 33-vjeçar, të cilët po bënin ski larg nga pistat e përgatitura të skive kur një ortek ra sipër tyre në St. Anton në Austri. Dhe në Kaunertal një burrë 62-vjeçar u vra nga një tjetër rrëshqitje bore.
