Dy persona kanë humbur jetën dhe 4 të tjerë janë plagosur si pasojë e një aksidenti në aksin Levan- Tepelenë pranë fshatit Buzëmadh të Fierit.
Aksidenti tragjik ndodhi mbrëmjen e djeshme rreth orës 20:20, ku dy automjete tip ” Zafira” dhe “Ford” janë përplasur me njëri-tjetrin, duke u marrë jetën 2 personave.
4 të plagosurit e tjerë janë dërguar më urgjencë në spitalin e Fierit, ku një prej tyre është në gjendje kome.
Përplasja mes mjeteve ka qenë tepër e fortë, sa makina tip “Ford” ka përfunduar në kanal.
Nuk dihen ende shkaqet e aksidentit, megjithatë duhet theksuar se në rrugë ka pasur prezencë të shtuar të lagështisë për shkak të motit të keq që ka përfshirë zonën gjatë gjithë ditës.
LEXO EDHE: Pagesat e drejtpërdrejta te klientët, çelësi i suksesit për SIGAL UNIQA-n
