Një automjet me të cilin udhëtonin drejt Kukësit një çift bashkëshortësh humbi kontrollin në “Rrugën e Kombit”, në afërsi të fshatit Kolsh, duke u përplasur me trafikndarsen.
Sipas asaj që raporton Abc, automjeti me të cilin udhëtonte çifti është goditur nga pas nga një automjet tjetër, i cili nuk ka ndaluar.
Si pasojë e aksidentit, është plagosur gruaja, e cila është transportuar në spitalin e Kukësit nga kalimtarë të rastit.
Policia po punon për zbardhjen e rrethanave të aksidentit.
