Një aksident me vdekje është shënuar mëngjesin e sotëm në zonën e Kavajës.
Një makinë me drejtues shtetasin R.H. ka përplasur një motor me të cilin udhëtonte 66-vjeçari me iniciale S.G.
Si pasojë e përplasjes, ka humbur jetën në vendngjarje drejtuesi i motorit.
Aksidenti ka ndodhur rreth orës 09:40 në autostradë pranë zonës së quajtur “Bishti i Zhurit”.
Lexo edhe: Covid-19, Omicron, kancer, aksidente… Si të mbrojmë shëndetin në këto kohë të vështira
Njoftimi i policisë:
Më datë 07.12.2021, rreth orës 09:40, në autostradë, në vendin e quajtur “Bishti i Zhurit”, mjeti me drejtues shtetasin R. H., ka aksidentuar motomjetin me drejtues shtetasin S. G., 66 vjeç.
Si pasojë e aksidentit, shtetasi S. G., ka humbur jetën në vendngjarje.
Grupi hetimor ndodhet në vendngjarje dhe po punon për sqarimin e rrethanave të aksidentit.
