Kompania e teknologjisë së sigurimeve, Wefox, ka siguruar 151 milionë euro financim të ri.
Prej tyre, 76 milionë euro vijnë nga investitorët ekzistues dhe 75 milionë euro janë rifinancim nga fondi i kredive i Searchlight Capital Partners.
Financimi vjen pas përfundimit të një programi ristrukturimi, që përfshiu shitjen e shoqërisë së sigurimeve në Lihtenshtajn dhe njësive italiane.
Sipas kompanisë, kjo shumë do ta ndihmojë Wefox të arrijë fitim në vitin 2025.
Kompania do ta përdorë kapitalin për të zgjeruar aktivitetin si agjent i përgjithshëm i autorizuar (MGA) dhe shpërndarës sigurimesh në tregje ekzistuese dhe të reja.
Aktualisht, Wefox operon në Austri, Holandë dhe Zvicër. Në Austri, ofron platformë dixhitale për ndërmjetës; në Holandë vepron përmes markës TAF me sigurime jete; ndërsa në Zvicër ofron këshillim dhe shpërndarje sigurimesh për individë.
Pas rifinancimit, u ndryshua edhe bordi drejtues.
CEO Joachim Müller dhe përfaqësuesi i Searchlight, Prateek Puri, iu bashkuan bordit, ndërsa katër anëtarë të mëparshëm dhanë dorëheqjen.
