Niveli i lumit Vjosës ka arritur ne 6,10 metra mbi nivelin e detit , ndërkohë që maksimalen e arriti mbrëmjen e djeshme pas mesnate në kuotat 6:70 cm duke përmbytur pjesën e tregut të gjësë së gjallë, njofton gazetari i SYRI TV.
Sipas Shtabit të Emergjencave, rrisku për banesat është kur niveli i Vjosës kalon kuotot 7:30 mbi nivelin e detit. Gjithsesi, nëse do të ketë reshje në zonën e Përmetit dhe Tepelenës, do të ketë sërish fryrje të lumit Vjosë.
Parashikimi i motit për sot, 30 nëntor 2021, sipas SHMU:
Dita e martë do të vijojnë të mbeten nën ndikimin e masave ajrore të paqëndrueshme. Reshje shiu të herëpasherëshme me intensitet të ulët deri mesatar.
Era do të fryjë nga veriperëndimi-jugperëndimi me shpejtësi mesatare 1-8m/sek, e cila hera-herës fiton shpejtësi deri në 15-20m/sek.
Në fushën termike deri ditën e merkurë temperaturat pritet të pësojnë rënie graduale me e ndjeshem ditën e parë të muajit Dhjetor.
