Sipas “Raportit të Kërkesave Kibernetike 2025” nga kompania e sigurimeve “Coalition”, rreth 60% e kërkesave për dëmshpërblim kishin të bënin me komprometimin e emailit të biznesit (BEC).
Rreth një e treta përfshinin mashtrime me transferim fondesh (FTF).
Kostoja mesatare për një rast BEC në vitin 2024 ishte 35,000 dollarë, ndërsa në rastet me mashtrime financiare, humbjet fillestare mesatare arrinin në 185,000 dollarë.
“Coalition” arriti të rikuperojë 31 milionë dollarë për klientët e saj, duke theksuar se raportimi i menjëhershëm i incidenteve ndihmon shumë në rikuperimin e fondeve.
Megjithëse numri i përgjithshëm i kërkesave për incidente kibernetike ra me 7%, kostoja e dëmeve mbeti e lartë.
Në SHBA, dëmi mesatar nga BEC ishte më i lartë sesa në vende si Kanadaja dhe Britania e Madhe.
Edhe rastet me ransomware ranë me 3%, ndërsa shumat e kërkuara si shpërblim ranë me 22%.
Rreth 44% e viktimave vendosën të paguajnë shpërblimin, por Coalition arriti të negociojë një ulje mesatare prej 60%.
Përveç pagesës së shpërblimit, ndërprerja e biznesit, rikuperimi i të dhënave dhe hetimet teknike vazhdojnë të jenë faktorë që rrisin kostot e përgjithshme.
