Javën e shkuar Autoriteti i Mbikqyrjes Financiare (AMF) publikoi hartën e gjeografisë së sigurimeve për vitin 2022 në Shqipëri.
Harta tregon një përqendrimi të tregut të sigurimeve në prefekturat e mëdha, si Tirana me 62.87% të totalit të primeve të shkruara bruto gjatë vitit 2022, Durrësi me 7.36%, Fieri 4.69%, Elbasani 4.39% dhe Korça 4.32%.
Përsa i përket primit për frymë sipas prefekturave, ajo e Tiranës ze vendin e parë me 14,258 lekë për frymë.
Më herët kemi folur për Sigurimet e Pronës dhe qarqet që kanë patur primet më të larta, ndërsa sot do të flasim për Sigurimet nga Aksidentet dhe Shëndeti.
Edhe këtu Tirana është prefektura me numrin më të lartë duke zënë 1,23 miliardë lekë nga 1,386 miliardë që ka e gjithë Shqipëria.
Pas Tiranës vjen Durrësi, Fieri dhe Elbasani. Ndërsa qarqet me primet më të ulta janë Kukësi dhe Gjirokastra.
LEXO EDHE: Më pak se një kafe në ditë/ 1 familje, 1 paketë sigurimi. Fëmijët sigurohen FALAS
