Fokusi ndaj klientit, dixhitalizimi dhe ekspertiza e rëndisin të parën.
Swiss Re është renditur si risiguruesi numër një i jetës dhe shëndetit në Evropë për të pestin vit radhazi, bazuar në Studimin e Risigurimeve të Jetës dhe Shëndetit NMG Consulting 2024.
Renditja pasqyron opinionet nga 294 drejtues të lartë në 227 kompani sigurimesh në të gjithë Evropën, Turqinë dhe Izraelin.
Augusto Diaz-Leante, kreu i Sigurimeve të jetës dhe shëndetit për Evropën në Swiss Re, thotë se ky vlerësim vjen për shkak të angazhimit të kompanisë në strategjitë e përqendruara ndaj klientit.
“Jam jashtëzakonisht krenare që drejtoj një ekip të madh profesionistësh novatorë, të talentuar dhe të motivuar në të gjithë Evropën, të cilët janë të përkushtuar për të ecur përpara bashkë me klientët tanë”, tha Diaz-Leante.
Teknologjia dhe inovacioni janë gjithnjë e më të rëndësishme në sektorin e sigurimeve në Evropë me drejtuesit që i identifikojnë këto si shtytësit kryesorë të vlerësimit.
Swiss Re është njohur për inovacionin e saj teknologjik dhe integrimin e grupeve të reja të të dhënave në praktikat e sigurimit.
“Ne jemi krenarë që po mbështesim klientët tanë në rrugëtimin e vazhdueshëm të dixhitalizimit. Për Swiss Re, kjo shkon paralelisht me dixhitalizimin e shërbimeve të sigurimit dhe dëmeve. Jo vetëm që jemi të fokusuar në ofrimin e mjeteve dhe zgjidhjeve më të mira për klientët, por edhe të fitojmë një shtytsë të vërtetë të performancës së biznesit“, tha Diaz-Leante.
Me seli në CZyrih, Zvicër, ku edhe u themelua në 1863, Swiss Re Group është mes emrave më të mëdhenj të risigurimit.
Ai operon përmes një rrjeti prej rreth 80 zyrash dhe afro 14,400 punonjës në të gjithë botën.
LEXO EDHE: Instituti Swiss Re: Primet globale të sigurimit të jetës do të rriten në 2025 dhe 2026
