Raporti i fundit i Swiss Re, “Ndryshimi i drejtimit në një peizazh në ndryshim,” ndalet hollësisht në ndryshimet dhe sfidat e tregut të sigurimeve dhe risigurimeve të automjeteve.
Këto sfida i takojnë kohështrirjes afatmesme.
Risiguruesi gjigant gjykon se tregu global i sigurimeve të automjeteve është dinamik dhe po evoluon me shpejtësi.
Sipas tyre, hyrja e tarifave të reja do të ketë një ndikim të ndjeshëm duke rritur kostot e riparimeve dhe duke vënë nën presion zinxhirët e furnizimit, çka do të çojë në rritjen e kostove të kërkesave.
Për sa i përket të ardhmes, transformimi i vazhdueshëm teknologjik do të shtojë pa dyshim kompleksitetin, ndërkohë që do të ofrojë mundësi të pazakonta për novacion në sigurimin e automjeteve.
Automjetet e së ardhmes do të jenë më të lidhura, autonome, të ndara dhe elektrike, dhe sigurimi duhet të përshtatet me këtë realitet të ri.
Sigurimi i automjeteve përbën rreth 40% të tregut global të P&C (property and casuality) prej 2.2 trilion dollarësh, duke e bërë atë një biznes strategjik për industrinë e sigurimeve.
Në vitin 2024, pothuajse 90 milionë automjete të lehta u shitën globalisht. Të gjitha të mbuluara nga politikat e sigurimit të detyrueshëm.
Këto politika mbulojnë përgjegjësinë ndaj të tretëve për dëmtimin e pronës dhe lëndimet trupore, si dhe dëmtimet e automjetit nga aksidentet dhe katastrofat natyrore.
Në raportin e saj Swiss Re identifikoi 9 pika kyçe që ndikojnë në sigurimin e automjeteve dhe që kërkojnë vëmendje më të madhe nga siguruesit dhe risiguruesit:
- Ndikimi i COVID-19 dhe inflacioni
- Reduktimi i frekuencës së aksidenteve
- Rritja e ashpërsisë së aksidenteve
- Marrja parasysh e katastrofave natyrore
- Rritja e kostove
-
Tarifat
- Ndryshimet rregullatore dhe ligjore
-
E ardhmja e mobilitetit
- Demografia, inflacioni social
