Rreth dy të tretat e pronave komerciale në Mbretërinë e Bashkuar janë të pasiguruara siç duhet. Sipas një studimi të ri nga Aviva, diferenca mes shumës së siguruar dhe kostos reale të rindërtimit arrin mesatarisht në 79%.
Të dhënat janë pjesë e raportit vjetor Broker Barometer, i cili analizon tregun e sigurimeve komerciale për vitin 2025. Studimi tregon se nënsigurimi po ndikon gjithnjë e më shumë në pagesën e dëmeve.
Dëmet dhe pasojat për bizneset
Rreth 68% e brokerëve raportojnë rritje të rasteve kur dëmet refuzohen ose paguhen më pak për shkak të nënsigurimit. Pasojat për bizneset janë të mëdha:
-
56% përballen me presion financiar
-
37% me ndërprerje të aktivitetit
-
26% rrezikojnë mbylljen e biznesit
-
20% raportojnë humbje të vendeve të punës
Në disa raste, ndikimi prek edhe shëndetin mendor të pronarëve të bizneseve.
Mungesa e informacionit, pengesa kryesore
Më parë, kostoja konsiderohej arsyeja kryesore e nënsigurimit. Sot situata ka ndryshuar.
Sipas brokerëve:
-
40% e lidhin problemin me mungesën e ndërgjegjësimit
-
33% me moskuptimin e inflacionit
-
32% me moskuptimin e kushteve të policës
Shumë biznese besojnë gjithashtu se një humbje e madhe “nuk do t’u ndodhë”.
Kostot e ndërtimit po rriten
Sipas Building Cost Information Service, kostot e rindërtimit janë rritur me 3.8% gjatë vitit 2025, kryesisht për shkak të rritjes së pagave në sektorin e ndërtimit.
Të dhëna të tjera nga RebuildCostASSESSMENT.com tregojnë se vetëm 7% e pronave në Britani janë të siguruara në mënyrë korrekte.
Me mënyrë korrekte nënkupton mbulimin e plotë të vlerës dhe kombinimin e duhur të risqeve.
Sektorët më të rrezikuar janë shtëpitë e kujdesit, ndërtesat historike dhe objektet që kanë bërë zgjerime ose investime të reja.
