Sigurimi i agro-kulturës është një produkt sigurimi për të gjithë fermerët dhe pronarët e bizneseve bujqësore dhe blegtorale.
Biznesi bujqësor dhe blegtoral është shumë i ekspozuar ndaj rreziqeve natyrore.
Veçanërisht si pasojë e ndryshimit të kushteve klimatike-globale ky sigurim merr një vlerë shumë të madhe, për t’u ardhur në ndihmë sipërmarrësve të agrobiznesit dhe ekonomisë së gjelbër.
Përmes kësaj police sigurohen:
ndërtesa, makina dhe makineri bujqësore, investimet ne bujqësi, prodhimi bujqësor, serat, linja dhe teknologji prodhimi blegtoral, kafshët bujqësore, kafshë me vlera të veçanta përdorimi, shpendët, baza ushqimore.
Sigurimi i bujqësisë dhe blegtorisë mbron biznesin bujqësor dhe atë blegtoral nga zjarri, vjedhja, rreziqet natyrore, sëmundjet, dëmtimet dhe helmimet aksidentale.
Për të siguruar një limit prej 100 mijë dollarësh, ky lloj siguracioni në SIGAL Insurance Group kushton nga 150 dollarë deri në 6 mijë dollarë, në varësi të llojit të objekteve dhe vlerësimit të risqeve që do t’u bëhet atyre.
