Nëse një mbajtës i kontratës së sigurimit të jetës, i kombinuar, në SIGAL, pëson një aksident dhe si pasojë e këtij aksidenti i shkaktohet një paaftësi e përkohshme, cilat janë dokumentet që duhet të përgatisë në mënyrë që të përfitojë sa më shpejt dhe sa më drejt vlerën e dëmit?
Për paaftësi të përkohshme si rrjedhojë e një aksidenti dokumenti i parë që duhet është kopja e dokumentit të identitetit e personit përfitues.
Dokumenti i dytë që nevojitet, nëse Policia është përfshirë në ngjarje, është procesverbali i policisë.
Me shumë rëndësi për dosjen është vërtetimi nga Prokuria lidhur me ngjarjen
Po ashtu, epikriza mjekësore te leshuar nga mjeku specialist qe ka ndjekur dhe kuruar te siguruarin, ku përshkruhet historiku i dëmit shëndetësor, kopja e kartelës së shtrimit mjekësor si edhe trajtimi i tij mjekësor, rekomandimet, mënyra e trajtimit, çdo informacion i trajtimit mjekësor të rastit.
Dokumenti tjetër që nevojitet është raporti i paaftësisë së përkohshme.
Të dhënat e llogarisë bankare të përfituesit janë me shumë rëndësi, pasi shuma e dëmit do të kalojë përmes llogarisë bankare.
Po ashtu, duhet mbajtur parasysh që për një dosje sa më të plotë, më të besueshme, në mënyrë që procesi i pagesës së dëmit nga siguruesi të ecë sa më shpejtë, i dëmtuari duhet të ketë gatishmërinë të sigurojë dhe dorëzojë edhe dokumenta të tjerë mjekësorë/ligjorë nëse është e nevojshme.
