SIGAL, kompania më e madhe dhe lider e tregut të sigurimeve në Shqipëri, mori pjesë sot në edicionin e dytë të Panairit të Karrierës, organizuar në ambientet e Western Balkans University në bashkëpunim me Dhomën Britanike të Tregtisë në Shqipëri.
Panairi shërbeu si një platformë e rëndësishme për të takuar studentë dhe të rinj të talentuar, duke prezantuar mundësitë që kompania ofron për intershipe dhe punësim në sektorin e sigurimeve.
Përfaqësuesit e SIGAL ndanë me të pranishmit përvojën e tyre profesionale dhe ofruan informacion të detajuar mbi pozicionet e hapura dhe rrugët e zhvillimit të karrierës brenda kompanisë.
SIGAL falënderoi organizatorët për mikpritjen dhe studentët për interesin e treguar gjatë këtij eventi.
