Sipas të dhënave zyrtare të tregut të sigurimeve të Maqedonisë së Veriut, të përpunuara nga Agjencia e Mbikëqyrjes së Sigurimeve në Republikën e Maqedonisë së Veriut, në 9 muajt e parë të vitit 2025, SIGAL Maqedonia e Veriut zotëron 12.47% të tregut të sigurimeve të jojetës.
Në aspektin e aktivitetit kontraktual, SIGAL ka lidhur 200,777 kontrata sigurimi jojete, ndërkohë që i gjithë tregu i jojetës numëron 1,633,565 kontrata, duke vijuar konsolidimin e rrjetit të klientëve.
Tregu i sigurimeve të jetës
Në segmentin e sigurimeve të jetës, SIGAL Maqedonia e Veriut ka shënuar një pjesë tregu prej 10.25%, duke reflektuar rritje të qëndrueshme dhe besim në produktet afatgjata të sigurimit të jetës. Gjatë kësaj periudhe, SIGAL ka lidhur 1,618 kontrata sigurimi jete, në një treg që në total numëron 23,275 kontrata, duke forcuar gradualisht praninë e saj në këtë segment strategjik.
Pjesa e tregut total të sigurimeve
Duke kombinuar sigurimet e jojetës dhe të jetës, SIGAL Maqedonia e Veriut zotëron 10.39% të tregut total të sigurimeve, një tregues i qartë i pozitës së konsoliduar të kompanisë dhe i strategjisë së balancuar ndërmjet dy segmenteve kryesore të industrisë.
Pagesa e dëmeve
Pagesa e dëmeve mbetet një nga treguesit më të rëndësishëm të seriozitetit dhe aftësisë financiare të një kompanie sigurimi.
Në sigurimet e jojetës, SIGAL ka paguar 503,254,000 denarë dëme (8.18 milionë euro), nga një total tregu prej 3,963,835,000 denarë (64.41 milionë euro).
Në sigurimet e jetës, SIGAL ka paguar 55,155,000 denarë dëme (0.90 milionë euro), ndërsa i gjithë tregu ka paguar 853,026,000 denarë (13.86 milionë euro).
Këto shifra dëshmojnë jo vetëm peshën reale të SIGAL në treg, por edhe angazhimin e vazhdueshëm për përmbushjen korrekte dhe në kohë të detyrimeve ndaj klientëve.
Këta tregues e pozicionojnë kompaninë si një partner afatgjatë dhe të qëndrueshëm për individët dhe bizneset në Maqedoninë e Veriut.
