SIGAL Insurance Group ka paguar 22.67% të dëmeve totale në sigurimet e jojetës dhe 42.25% të dëmeve totale në sigurimet e jetës tregun shqiptar të sigurimeve, duke ruajtur pozicionin lider në gjendshmërinë pranë klientëve.
Shifrat zyrtare kanë për burim raportin 8-mujor të Autoritetit të Mbikëqyrjes Financiare.
Gjatë periudhës janar–gusht 2025, SIGAL Insurance Group ka paguar gjithsej 13,361 dëme (në sigurimet e jetës dhe jojetës të marra së bashku) me një vlerë totale prej 1.226 miliardë Lekësh (afërsisht 12.7 mln euro), duke dëshmuar sërish se mbetet kompania më e madhe dhe më korrekte në tregun shqiptar të sigurimeve.
Vetëm në sigurimet e jojetës, SIGAL ka paguar 13,229 dëme me vlerë 1.130 miliardë Lekë, ndërsa në sigurimet e jetës janë shlyer 132 dëme me vlerë 96.511.000 Lekë.
Në të dy segmentet, SIGAL Insurance Group është dalluar për mënyrën e shpejtë dhe transparente të trajtimit të kërkesave për dëmshpërblim, konform kontratave dhe ligjeve në fuqi.
Kompania vepron jo vetëm brenda afateve të parashikuara në kontratat e sigurimit, por pagesat kryhen në kohë rekord, më shpejt se sa kushdo tjetër në rajon.
Sapo klienti dorëzon dokumentacionin e plotë, procesi i vlerësimit dhe i përgjigjes nuk zgjat më shumë se shtatë ditë pune, duke mundësuar që dëmshpërblimi të kryhet menjëherë pas konfirmimit. Kjo tregon korrektesën dhe efikasitetin e një kompanie që prej 28 vitesh gëzon stabilitet, besueshmëri dhe përkushtim ndaj klientëve të saj, jo vetëm në Shqipëri, por edhe Kosovë e Maqedoni të Veriut.
SIGAL Insurance Group mbetet i pari, jo vetëm në shifra, por edhe në shërbimin korrekt dhe besnikërinë ndaj klientëve, duke qenë përherë falënderues e mirënjohës ndaj atyre që u besojnë. Kjo korrektesë dhe besueshmëri është shpërblyer me zgjerim të tregut në 31.38% në sigurimet e Jetës dhe 25.34% të sigurimeve të Jojetës, duke patur 26% të tregut total të sigurimeve në vend.
