Në tregun shqiptar, me tendenca pak më të lehta në Kosovë dhe në Maqedoni të Veriut, vërehet prirja në nivel tregu, që në gjuhë popullore mund të quhej TPL-izim i këtij tregu.
Kjo nënkupton se TPL merr peshën kryesore të tregut, kompanitë i dedikohen vetëm ofertave në TPL, konkurrencës në çmim duke lëshuar në drejtim të cilësisë dhe diversifikimit të ofertave në raport me nevojat.
Për tregun në tërësi TPL-izimi nënkupton se sigurimet e detyrueshme rrezikojnë të zënë frymën e të gjitha produkteve vullnetare dhe kjo ul investimet e tregut për më shumë oferta siguruese, që nënkupton më pak instrumenta mbrojtës në treg për klientin shqiptar.
Nevojat e tij, i gjendur përballë risqeve që shtohen janë në rritje; ndërsa tregu vetëparalizohet në ofertë.
Kjo prirje nuk vlen për të gjithë rastet. Disa kompani të konsoliduara në treg, si rasti i qartë i Sigal Insurance Group, përmes shifrash, dëshmojnë një prirje të ndryshme: diversifikimin e portofolit të sigurimeve.
SIGAL Insurance Group, në Kosovë, mbi 56% të siguracioneve të Jo-Jetës i ka sigurime vullnetare dhe vetëm 44% i ka si siguracione të detyrueshme, duke qenë kompania me përqindjen më të lartë të tregut në këtë tregues.
Të dhënat burojnë nga raporti zyrtar i Bankës Qendrore të Kosovës dhe Departamentit të Mbikëqyrjes së Sigurimeve.
Përqindje shumë të lartë, me rritje të fortë e vazhdueshme nga e njëjta periudhë e një viti më parë, kompania paraqet edhe në tregun shqiptar ku shënon 43.25% të sigurimeve vullnetare në JoJetë, kur mesatarja e të gjithë tregut është vetëm 32.27%.
Prirja ruhet e tillë edhe në tregun e Maqedonisë së Veriut.
Këto të dhëna dëshmojnë qartë se SIGAL Insurance Group, përveçse paraqitet në shifra si shoqëria më e madhe në rajon, ajo sjell edhe portofolin më të diversifikuar në këto tre shtete: Shqipëri, Maqedoni të Veriut dhe të Kosovës.
Portofoli i produkteve vullnetare të SIGAL IG është mjaft i pasur dhe i përputhshëm me ofertat më të mira në perëndim.
Sigurimet e plota të automjeteve janë KASKO, MINIKASKO, Autosos, TPL Plus, REA.
Sigurimet e marinës përfshijnë sigurimi i mallrave në transport, i mjeteve të vogla lundruese, i jahteve kasko hull, i përgjegjësisë së transportuesit.
Sigurimet e pronave dhe pasurive: të shtëpive dhe paketat e dedikuara të biznesit: për SME dhe koorporata, sigurimi i të gjitha përgjegjësive, nga ato inxhinierike, profesionale, civile, të fqinjit, te agrikultura.
Sigurimet e plota të shëndetit: me tre nivele kartash shëndeti, dy produkte dedikuara për sëmundjet e rënda: Jetë Plus dhe Jetë Plus me Cash, karta check up-i, shëndet në udhëtim, teleshëndet, shtuar edhe sigurimet e jetës dhe pensionet private e bëjnë SIGAL IG ofruesin e instrumenteve financiare më të besueshme dhe me të diversifikuar në rajon.
