Zjarret masive që kanë përfshirë Kaliforninë po përshkruhen nga dëshmitarët okularë si “apokaliptike”.
Ndërsa kostoja e dëmeve pritet të jetë shumë e madhe, do të duhen javë ose muaj qëtë dalin shifrat konkrete.
“AccuWeather” i vlerëson dëmet nga 52 deri në 57 miliardë dollarë dëme por zyrtarët shtetërorë paralajmëruan se numri pritet të rritet pasi zjarret vazhdojnë të kërcënojnë zona të tjera.
Pesë zjarret që shpërthyen në qarkun e Los Anxhelosit goditën shumë pronarë shtëpish, të cilët tashmë po përpiqen të gjejnë një kompani të gatshme për të siguruar pronat e tyre.
Të paktën 10 sigurues të mëdhenj janë larguar ose kanë reduktuar mbulimin në Kaliforni në katër vitet e fundit. Gjatë kësaj kohe, numri i pronarëve të shtëpive që regjistrohen për siguruesin e fundit të shtetit është dyfishuar, thonë zyrtarët.
Në dy vitet e fundit, siguruesit duke përfshirë “Allstate”, “American National”, “The Hartford” dhe “State Farm” ndaluan lëshimin e policave të reja kundër zjarrit për pronarët e shtëpive në Kaliforni.
Në disa raste, thanë banorët, siguruesit nuk rinovojnë policat ekzistuese për shkak të rrezikut të vazhdueshëm nga zjarret.
“Skenat janë tronditëse dhe mendimet tona janë te individët dhe komunitetet e prekura, si dhe ata që mbeten nën kërcënim”, tha “State Farm” në një deklaratë për ABC News.
“Allstate” ndaloi lëshimin e policave të reja për pronarët e shtëpive në shtet në vitin 2022 dhe tha vitin e kaluar se do të anulonte vendimin e saj pasi të rillogariste kostot e risigurimit gjatë përcaktimit të tarifave.
“Hartford” ndaloi së shkruari polica të reja për pronarët e shtëpive në shtet më 1 shkurt 2024.
“American National” ndaloi ofrimin e policave në shtet më 29 shkurt 2024.
Këto kompani nuk iu përgjigjën kërkesës së ABC News për komente mbi zjarret ose mbulimin.
Vetëm disa ditë para se zjarri i parë të shpërthente të martën në lagjen e pasur të Los Angeles, Palisades, Departamenti i Sigurimeve në Kaliforni zbuloi rregullore me anë të të cilave do ti kërkonte siguruesve të rrisnin mbulimin në zonat e prirura ndaj zjarreve. Polica nuk do të ishte retroaktive dhe do të zbatohej vetëm për politikat e reja në vijim.
Pjesë e një pakete të reformës së sigurimit të shtëpisë, i lejon siguruesit ti ngarkojë pronarëve të shtëpive prime më të larta.
Do të jetë hera e parë në historinë e Kalifornisë që siguruesit mund të përfshijnë koston e risigurimit në primet e tyre, megjithëse është një praktikë e zakonshme në shtetet e tjera.
Sipas ekspertëve, kjo mund të rrisë primet e sigurimit me 40%.
LEXO EDHE: Pse është i rëndësishëm Sigurimi i Shtëpisë
