Të dhënat e fundit mbi mbulimin pyjor në Ballkanin Perëndimor tregojnë një shqetësim të madh për Shqipërinë, e cila rezulton vendi me humbjen më të lartë në përqindje të pyjeve në rajon gjatë periudhës 2001–2024.
Renditja e vendeve të Ballkanit Perëndimor, sipas përqindjes së humbjes së pyjeve të shprehura në përqindje (2000–2024):
-
Shqipëria – 7.3%
-
Maqedonia e Veriut – 6.4%
-
Kosova – 4.9%
-
Mali i Zi – 3.4%
-
Serbia – 2.9%
-
Bosnja dhe Hercegovina – 1.5%
Shqipëria
Në vitin 2020, Shqipëria kishte 673 mijë hektarë pyje natyrore, që mbulonin 23% të territorit. Vetëm në vitin 2024 humbi 851 hektarë, duke lëshuar në atmosferë 245 mijë tonë CO₂. Nga viti 2001 deri në 2024, Shqipëria humbi gjithsej 47.3 mijë hektarë pyje, ose 7.3% të mbulesës së vitit 2000. Ky nivel e vendos Shqipërinë të parën për humbje pyjore në Ballkanin Perëndimor.
Maqedonia e Veriut
Në vitin 2020 kishte 790 mijë hektarë pyje natyrore (32% e territorit). Vetëm në vitin 2024 humbi mbi 2 mijë hektarë, duke prodhuar 710 mijë tonë CO₂. Humbja nga 2001 deri në 2024 arrin 50 mijë hektarë, ose 6.4%.
Kosova
Në vitin 2020 kishte 361 mijë hektarë pyje natyrore (33% e territorit). Në vitin 2024 humbi 804 hektarë, baras me 359 mijë tonë CO₂. Humbja nga 2000 deri në 2024 shkon në 18.1 mijë hektarë, ose 4.9%.
Mali i Zi
Në vitin 2020 kishte 529 mijë hektarë pyje natyrore (40% e territorit). Humbja në vitin 2024 ishte 493 hektarë, e barabartë me 304 mijë tonë CO₂. Nga 2000 deri në 2024 humbi 21.2 mijë hektarë, ose 3.4%.
Serbia
Në vitin 2020 kishte 2.46 milionë hektarë pyje natyrore (31% e territorit). Vetëm në vitin 2024 humbi 3.27 mijë hektarë, duke gjeneruar 1.78 milionë tonë CO₂. Humbja e periudhës 2001–2024 arrin 78.5 mijë hektarë, ose 2.9%.
Bosnja dhe Hercegovina
Në vitin 2020 kishte 2.20 milionë hektarë pyje natyrore (43% e territorit). Humbja në vitin 2024 ishte 1.56 mijë hektarë, me 890 mijë tonë CO₂ të lëshuar. Nga 2000 deri në 2024 humbi 41.2 mijë hektarë, ose 1.5%.
Shqipëria mban vendin e parë për humbjen më të lartë përqindore të pyjeve në Ballkanin Perëndimor, duke ngritur alarmin për një krizë mjedisore serioze që kërkon veprime urgjente. Globalforestwatch.org është burimi zyrtar i këtyre të dhënave.
