“Stabilitet financiar, profesionalizëm dhe novacion/ Grupi “SIGAL UNIQA” ruan lidershipin në tregun shqiptar të sigurimeve”.
Me këtë titull e nis artikullin mbi ecurinë e tregur të sigurimeve në Shqipëri për 6-mujorin e parë 2023 televizioni Kombëtar “Klan”.
Sipas “Klan”, Grupi “SIGAL UNIQA” rezulton të jetë më i madhi, më i besuari dhe ai që paguan më shumë dëme, si në Sigurimet e Jo-Jetës ashtu edhe në ato të Jetës.
Artikulli i plotë i RTV KLAN:
Autoriteti i Mbikqyrjes Financiare (AMF) publikon raportin mbi ecurinë e tregut të sigurimeve në Shqipëri për periudhën janar-qershor 2023.
Sipas raportit, të ardhurat nga primet e shkruara bruto të sigurimit për muajin janar-qershor 2023 kapën vlerën 11,042 milionë lekë, ndërsa numri i kontratave të sigurimit të lidhura arriti në 638,072 me një rritje prej 12.72% krahasuar me të njëjtën periudhë të një viti më parë.
Tregu vijon të jetë i orientuar tek sigurimet e Jo-Jetës, të cilat sollën 91.80% të vëllimit të përgjithshëm të primeve, sigurimet e Jetës kanë 8.13% dhe risigurimi 0.07 %.
Sa i përket kompanive që operojnë treg, SIGAL UNIQA Group Austria dhe SIGAL LIFE UNIQA Group Austria vijojnë të mbeten më të mëdhatë dhe më të besuarat te sigurimet e jo-jetës dhe jetës.
Ndarja e tregut
Në Sigurimet e Jo-Jetës, SIGAL UNIQA ze mbi 28% të totalit, shifër konsekuente që prej themelimit të kompanisë dhe me diferencë krahasuar me 7 kompanitë e tjera që operojnë në treg.
Ndërsa në Sigurimet e Jetës, diferenca me kompanitë e tjera është edhe më e madhe. SIGAL LIFE UNIQA kryeson tregun duke zënë 45% të tij, ose rreth 2-fishin e kompanisë që rënditet e dyta.
Dëmet e paguara
SIGAL UNIQA ka paguar gjatë 6-mujorit të parë 2023 mbi 714 milionë Lekë dëmshpërblime tek klientët e saj teksa 8 kompanitë në total kanë paguar 3 miliardë lekë.
SIGAL LIFE UNIQA ka paguar gjatë 6-mujorit të parë 2023 mbi 84,2 milionë lekë me 4 kompanitë në total që regjistrojnë 158,2 milionë lekë dëmshpërblime.
Sipas shifrave të AMF, nëse do të llogarisim totalin e tregut të sigurimeve në Shqipëri, Jo-Jetë dhe Jetë, ku operojnë 12 kompani, SIGAL UNIQA Group Austria ze rreth 30% të tij.
PSE KY BESIM I PALËKUNDUR TEK KJO KOMPANI?
Shërbimi profesional ndaj klientëve, pagimi i drejtpërdrejtë i dëmeve dhe risitë që sjell vazhdimisht në treg janë disa prej arsyeve pse SIGAL UNIQA Group Austria mbetet kompania më e madhe dhe më e besuar e sigurimeve në Shqipëri.
Të përkushtuar dhe me profesionalizëm, mbi 2,412 punonjës dhe agjentë të SIGAL UNIQA shërbejnë në mbi 1,230 zyra në 3 shtete (Shqipëri, Kosovë, Maqedoni e Veriut) me standarte tërësisht europiane duke qenë pranë mbi 1,25 milionë klientëve atëherë kur ata kanë më shumë nevojë.
Ndaj, edhe sot, pas afro 25 vjetësh, kjo kompani mbetet adresa numër 1 për cilindo qytetar që do të sigurojë jetën, shëndetin, pronën, automjetin e çdo gjë tjetër me vlerë.
SIGAL UNIQA Group Austria, jetojmë më mirë së bashku
Web: www.sigal.com.al
E-mail: [email protected]
WhatsApp: 068 606 2829
