Raporti i Testit Zviceran të Qëndrueshmërisë (SST) për “Zurich”, kompaninë zvicerane me qendër në Zyrih të Zvicrës, ishte 253% më 31 dhjetor 2024, krahasuar me 234% një vit më parë.
Kjo e dhënë konfirmon pozicionin e fortë financiar dhe bilancin e qëndrueshëm të Grupit.
Sipas raportit të publikuar nga Grupi, rritja erdhi për disa shkaqe:
së pari për shkak të krijimit të kapitalit mbi shumën e dividendëve të parashikuar,
së dyti si pasojë e ndikimit pozitiv nga shitja e një portofoli pensioni në Kili dhe,
së treti prej emetimit të një borxhi të nënshtruar prej 500 milionë dollarësh amerikanë në muajin tetor.
Lëvizjet e favorshme në tregje luajtën po ashtu një rol pozitiv.
