Autoriteti i Mbikqyrjes Financiare publikoi mesditën e sotme raportin mbi ecurinë e tregut të sigurimeve për periudhën Janar-Nëntor 2021.
Në raport vihet re një interesim më i lartë për Sigurimet e Jetës, ndërsa çmimet e sigurimit kanë ardhur në rënie.
Sipas raportit, primet nga sigurimet e Jetës gjatë kësaj periudhe, arritën rreth 1,244 milionë lekë, ose 24.17% më shumë se në të njëjtën periudhë të një viti më parë.
Për periudhën Janar-Nëntor 2021, SIGAL LIFE UNIQA Group Austria ka shitur 42,996 prime të shkruara në një vlerë prej rreth 682 milionë Lekësh duke u rikonfirmuar si kompania numër një në Shqipëri për Sigurimet e Jetës.
Për periudhën Janar-Nëntor 2021, SIGAL LIFE UNIQA Group Austria, në 213 raste, ka paguar mbi 134 milionë Lekë dëme.
Tregu i Jetës dominohet nga produkti “Jetë Debitori”.
Sigurimi i Jetës për Kredi ofrohet për personat që marrin kredi në bankë dhe i mbron ata dhe familjarët nga rrreziku i mos shlyrjes së hua-së si pasojë e humbjes së jetës së kredimarrësit.
Ky sigurim garanton çlirimin e familjes të të siguruarit apo ortakëve të biznesit nga detyrimi bankar, pasi SIGAL Life UNIQA merr përsipër,në rast humbje jete,të shlyejë shumën e pakthyer të kredisë, duke lehtësuar në këtë mënyrë detyrimin financiar që do të rëndonte mbi ta.
