Sipas raportit vjetor të Autoritetit të Mbikëqyrjes Financiare (AMF), SIGAL ka ruajtur pozicionin e saj si lider absolut në tregun shqiptar të sigurimeve, duke mbajtur një pjesë dominuese prej 27% të tregut për sigurimet e Jetës dhe Jo-Jetës për vitin 2024.
a) Grafiku Jo-jetë
b)Grafiku Jetë
Ky rezultat konfirmon besimin e qytetarëve dhe bizneseve shqiptare në profesionalizmin, inovacionin dhe përkushtimin e kompanisë për të ofruar mbrojtje të qëndrueshme dhe të personalizuar në të gjitha fushat e sigurimeve.
Dominimi i tregut të sigurimeve
Të dhënat e publikuara nga AMF tregojnë se SIGAL ka arritur një performancë të shkëlqyer në të gjitha segmentet e sigurimeve:
🔹 40.2% e tregut për Sigurimet e Pronës
SIGAL është zgjedhja kryesore për individët dhe bizneset që kërkojnë të mbrojnë pasuritë e tyre nga rreziqe të ndryshme si fatkeqësitë natyrore, zjarret dhe dëmtimet aksidentale. Me një gamë të gjerë produktesh dhe shërbimesh, kompania ka siguruar mijëra familje dhe biznese, duke ofruar siguri dhe stabilitet afatgjatë.
c) Grafiku Pronë
🔹 50.34% e tregut për Sigurimet e Shëndetit & Aksidentit
Përgjatë vitit 2024, SIGAL ka ofruar mbulim gjithëpërfshirës për shëndetin dhe aksidentet, duke mbajtur një pjesë dominuese të tregut. Në një kohë kur rëndësia e kujdesit shëndetësor është në rritje, SIGAL ka bërë të mundur aksesin në shërbime cilësore brenda dhe jashtë vendit përmes paketave fleksibël dhe të përballueshme për çdo individ dhe familje.
D) Grafiku Shëndet dhe Aksidente
🔹 20.91% e tregut për Sigurimet Motorike
Në një treg gjithnjë e më konkurrues, SIGAL ka konsoliduar pozicionin e saj si partneri kryesor për sigurimin e automjeteve. Me mbulim të plotë, shërbime të shpejta dëmesh dhe asistencë 24/7, SIGAL është bërë zgjedhja e parë për mijëra drejtues automjetesh në Shqipëri.
e) Grafiku Motorike
Çfarë e bën SIGAL lider në treg?
Me një përvojë mbi 25-vjeçare në tregun e sigurimeve, SIGAL është më shumë sesa një kompani sigurimesh – është një partner i besueshëm për qytetarët dhe bizneset. Përkushtimi ndaj:
Cilësisë së shërbimit – Përmirësimi i vazhdueshëm i proceseve për të ofruar një përvojë të shpejtë dhe të thjeshtë për klientët.
Inovacionit – Zhvillimi i zgjidhjeve moderne të sigurimit, duke përfshirë aplikacionet dixhitale dhe tele-shëndetin.
Transparencës dhe besueshmërisë – Një qasje e hapur dhe korrekte me të gjithë klientët, duke ndërtuar marrëdhënie afatgjata.
SIGAL UNIQA – Një histori suksesi që vazhdon
Duke ruajtur pozicionin e saj si kompania më e madhe e sigurimeve në vend, SIGAL synon të zgjerojë më tej ofertën e saj me produkte të reja dhe të sjellë eksperiencën ndërkombëtare në Shqipëri, duke kontribuar në zhvillimin e mëtejshëm të tregut të sigurimeve.
Për një jetë më të sigurt, zgjidhni liderin e sigurimeve në Shqipëri – SIGAL.
