Sigurimi i shëndetit është një e drejtë dhe një domosdoshmëri.
Pyetja nëse duhet të zgjidhni sigurimin privat të shëndetit apo të mbështetetmi vetëm tek sistemi publik i kujdesit shëndetësor nuk është gjithmonë një pyetje e thjeshtë për t’iu përgjigjur.
Mbulimet e përfshira, kostot e primeve të sigurimit, kompleksiteti dhe varietetet e produkteve dhe shërbimeve të ofruara janë vëtëm disa nga faktorët që duhet t’i peshojmë.
Më poshtë ju sjellim 5 arsyet kryesore pse është i rëndësishëm Sigurimi Privat i Shëndetit.
- Mbrojtje për ju dhe familjen tuaj
Familja juaj varet nga mbështetja juaj financiare për të gëzuar një standard të mirë jetese, kjo është arsyeja pse sigurimi është veçanërisht i rëndësishëm pasi të nisni jetën familjare. Kjo do të thotë që njerëzit që kanë më shumë rëndësi në jetën tuaj mund të mbrohen nga vështirësitë financiare nëse ndodh diçka e papritur dhe e paparashikuar.
- Minimizoni stresin në kohë të vështira
Asnjëri prej nesh nuk e di se çfarë mund të na ndodhë qoftë edhe pas një minute.
Ngjarje të paparashikuara si sëmundja, dëmtimi ose paaftësia e përhershme, madje edhe vdekja mund t’ju lënë ju dhe familjen tuaj përballë stresit të jashtëzakonshëm dhe pikëllimit.
Me siguracionin e duhur stresi financiar i familjes suaj do të zvogëlohet ndërkohë që ju mund të përqendroheni në rimëkëmbjen dhe rindërtimin e jetës tuaj.
- Për të gëzuar siguri financiare
Pavarësisht se cilat janë financat tuaja sot, një ngjarje e papritur mund të shkatërrojë gjithçka shumë shpejt.
Siguracioni mundëson rikthimin në gjendjen e mëparshme dhe ju e familja juaj të vazhdoni të ecni përpara.
- Paqja e mendjes
Asnjë shumë parash nuk mund të zëvendësojë shëndetin dhe mirëqenien tuaj, por të paktën mund të keni qetësi duke e ditur se nëse ju ndodh diçka, siguria financiare e familjes suaj ndihmohet nga kompania e sigurimit.
- Një trashëgimi për të lënë pas
Një përfitim i njëhershëm i vdekjes mund të sigurojë të ardhmen financiare për fëmijët tuaj dhe të mbrojë standardin e tyre të jetesës.
Nëse ende nuk jeni të siguruar, çfarë po prisni? Ofrojini vetes dhe familjes suaj siguri.
