Një aksident ka ndodhur mbrëmjen e djeshme në hyrje të qytetit të Këlcyrës.
Burime për A2 CNN se nga aksidenti kanë mbetur të plagosur dy persona, njëri prej tyre në gjendje të rëndë. Ai është transportuar në spitalin e Gjirokastrës.
Mësohet se kanë qenë dy furgona të mbushur me klandestinë nga Lindja e Mesme, që kishin hyrë ilegalisht nga pika e kalimit kufitar të Tri Urave në Përmet, në ndjekje nga Policia e Këlcyrës, të cilët janë përplasur me njëri-tjetrin.
Klandestinët janë shoqëruar drejt Komisariatit të Gjirokastrës ndërsa dy shoferët janë arrestuar.
LEXO EDHE: Si bilanc lufte/ Janar-Korrik 2023, 653 aksidente, 110 viktima dhe 887 të plagosur
