Shirat e rrëmbyer dhe përmbytjet kanë shkaktuar kaos në Europën Qendrore dhe Lindore.
Në disa zona në jug të Austrisë, ku një zjarrfikës humbi jetën gjatë një evakuimi, është shpallur gjendja e jashtëzakonshme prej vërshimeve. Më e rënduar, gjendja paraqitet në landin Niederösterreich.
Për shkak të reshjeve të dendura “priten përmbytje të mëtejshme masive në mbarë rajonin”, i tha zëvendëskryeministri i këtij landi, Stephan Pernkopf, për agjencinë austriake të lajmeve APA.
Në disa zona ka rrezik për rrëshqitje toke, e në shumë të tjera janë mbuluar nga uji, duke izoluar një sërë fshatrash.
Edhe në disa komuna në veri të Vjenë u desh të shpëtohen njerëzit e bllokuar nga masa e ujit nëpër shtëpi. Ekipet e emergjencës përdorën helikopterët e gomonet.
Mesazhi i plotë i “UNIQA Insurance Group”:
“Ne jemi këtu për ju!
Situata aktuale e përmbytjeve është një sfidë për të gjithë ne. Nëse shtëpia juaj është prekur nga stuhitë, ne duam t’ju mbështesim në mënyrën më të mirë që mundemi.
Këtu është një udhëzues i shkurtër se si mund të paraqisni dëmin tuaj me ne dhe çfarë të merrni parasysh:
1. Siguria mbi të gjitha
Paralajmërim: Hyni në shtëpinë tuaj derisa të jetë e sigurt. Jini të vetëdijshëm për rreziqet e mundshme të energjisë. Ju lutemi respektoni paralajmërimet nga autoritetet lokale dhe ekspertët këtu.
2. Dokumentimi i dëmit
Bëni foto dhe video të zonës së prekur përpara se të filloni pastrimin. Kjo e bën më të lehtë identifikimin e dëmit dhe na ndihmon të vlerësojmë më mirë dëmin.
3. Raportimi i dëmit
Raportoni sa më shpejt dëmin. Këtë mund ta bëni drejtpërdrejt përmes faqes sonë të internetit, email [email protected] ose na kontaktoni përmes linjës telefonike të stuhisë 0800 2045555.
4. Masat emergjente
Nëse është e mundur, merrni masat e para urgjente për të minimizuar dëmin. Por kini kujdes që të mos rrezikoni veten.
Kujdesuni për veten dhe mos hezitoni të kontaktoni shërbimin tonë ndaj klientit ose konsulentin tuaj nëse keni pyetje”.
“UNIQA Insurance Group” është një nga grupet më të mëdha të sigurimeve në Austri dhe Evropë. Me një eksperiencë mbi 200-vjeçare ajo i shërben mbi 17 milionë klientëve në 17 shtete të ndryshme.
Që prej marsit 2007 “UNIQA Insurance Group”është pjesë edhe e tregut rajonal të sigurimeve, fillimisht në Shqipëri dhe më pas në Kosovë dhe Maqedoninë e Veriut, përmes Grupit “SIGAL UNIQA”.
