Çdo dhjetor, kur bëjmë edhe bilancet e vitit që po shkon, kemi mundësinë të vlerësojmë edhe rëndësinë që kanë sigurimet në mbrojtjen e jetës, shëndetit, pasurisë dhe së ardhmes sonë.
Në një kohë kur ndryshimet klimatike po shtojnë fatkeqësitë natyrore, aksidentet janë gjithnjë e më të pranishme dhe sëmundshmëria është rritur, sigurimet shërbejnë si një mburojë financiare kundër ngjarjeve të papritura dhe na japin qetësi mendore, duke ditur se jemi të siguruar.
Cilat janë disa nga funksionet e sigurimit të shëndetit?
– Mbrojtja e njerëzve tanë të dashur
Jeta është e paparashikueshme dhe asnjë prej nesh nuk e njeh të ardhmen. Sigurimi luan një rol të rëndësishëm në garantimin e sigurisë financiare të të dashurve tanë, në rast të një emergjence mjekësore apo sëmundjej të personit të siguruar.
Sigurimi i Shëndetit kujdeset që ne dhe familjarët tanë të mos mendojnë për shpenzimet e larta spitalore por të fokusohemi në luftimin e sëmundjes.
Ai ofron ndjenjën e sigurisë duke mbuluar çdo shpenzim të nevojshëm në spitalet më të mira private, brenda apo jashtë vendit.
– Mbështetja e shëndetit dhe mirëqënies
Sigurimi i shëndetit është një përbërës i rëndësishëm i mirëqënies së përgjithshme. Ai mundëson që të kemi qasje në kujdes shëndetësor cilësor atëherë kur kemi nevojë.
Me rritjen e kostove të kujdesit shëndetësor, pajisja me sigurimin e shëndetit parandalon ngarkesën financiare të konsiderueshme gjatë emergjencave mjekësore ose nevojave rutinë të kujdesit shëndetësor.
– Planifikimi i së ardhmes
Sigurimi luan një rol të rëndësishëm edhe në planifikimin e financave për periudha afatgjata.
Por nuk duhet anashkaluar kurrësesi as Sigurimi i Shtëpisë, vendi ku thurim ëndrrat tona dhe ndërtojmë të ardhmen.
Kostot e larta për blerjen e një banese dhe rreziqet në rritje e bëjnë domosdoshmëri sigurimin e shtëpisë.
Pse është i rëndësishëm Sigurimi i Shtëpisë?
– Mbrojtje nga fatkeqësitë natyrore
Tërmetet, përmbytjet, rrufetë dhe stuhitë janë ngjarje që ndodhin papritur dhe shpesh kanë dëme të mëdha materiale. Një sigurim shtëpie mbulon dëmet e shkaktuara nga këto fatkeqësi, duke shmangur kostot financiare që mund të jenë të papërballueshme për shumë familje.
– Siguri për dëmet e papritura
Dëmtimet si zjarr, shpërthimet e tubacioneve, apo dëmtimet nga vandalizmi janë të papritura dhe mund të ndodhin në çdo moment. Sigurimi shtëpiak mbulon këto dëme dhe siguron që ju të mos mbeteni të pambrojtur financiarisht.
– Mbrojtje ndaj vjedhjeve dhe humbjes së pasurive
Në rast të vjedhjes ose grabitjes, sigurimi i shtëpisë do të ndihmojë në rikuperimin financiar të humbjeve materiale. Shumë kompani sigurimi ofrojnë mbulim për pajisjet elektronike, mobiliet dhe sende të tjera me vlerë që ndodhen në shtëpi.
– Paqe mendore dhe siguri personale
Të kesh një shtëpi të siguruar nënkupton që, pavarësisht rreziqeve të mundshme, ju do të jeni të mbrojtur financiarisht. Kjo ndihmon të zvogëloni stresin dhe ankthin që shpesh vijnë me mendimet për ngjarjet e papritura ose katastrofat.
– Investim afatgjatë për të ardhmen
Shtëpia është një nga investimet më të mëdha që shumica prej nesh bëjmë në jetë. Prandaj, sigurimi është një mënyrë për të mbrojtur këtë investim dhe për të siguruar që, në rast dëmi, do të keni mbështetjen financiare për ta rindërtuar ose riparuar atë.
– Mbulim për përgjegjësinë civile
Një aspekt tjetër i rëndësishëm i sigurimit të shtëpisë është mbulimi për përgjegjësinë civile. Nëse dikush dëmtohet në pronën tuaj ose ndodh një incident që prek fqinjët tuaj (p.sh. një zjarr që përhapet nga shtëpia juaj), sigurimi i shtëpisë mund të mbulojë dëmet dhe shpenzimet e lidhura me ato ngjarje.
Madje, teksa jemi në periudhë festash, këto dy sigurime shumë të rëndësishme do të ishin dhurata perfekte për më të dashurit tuaj me një çmim shumë të mirë!
Merrni një ofertë tani duke telefonuar në numrin pa pagesë 0800 31 31
Ose duke shkruan në Whatsapp: 0686062829
Mos harroni! Sigurimin e Shëndetit, të Shtëpisëe çdo sigurim tjetër tashmë mund ta blini edhe online në www.sigal.com.al.
