Një operacion shpëtimi ishte në zhvillim të hënën për cisternën e gazit të lëngshëm “MV Falcon”, e cila vazhdon të jetë në flakë dhe të endet në Gjirin e Adenit, pas një shpërthimi që ndodhi më 18 tetor, sipas burimeve të sigurisë detare.
Anija, që mban flamurin e Kamerunit, ishte plotësisht e ngarkuar me gaz kur ndodhi shpërthimi, rreth orës 07:00 GMT, ndërsa po lundronte në ujërat pranë Jemenit.
Shpërthimi detyroi pjesën më të madhe të ekuipazhit prej 26 vetash të braktisnin anijen.
Shkaku i shpërthimit mbetet ende i paqartë, por vlerësimet paraprake sugjerojnë se bëhet fjalë për një aksident të lidhur me ngarkesën e anijes, sipas misionit detar të Bashkimit Europian Aspides dhe burimeve detare.
Dy anëtarë të ekuipazhit ende rezultojnë të zhdukur, ndërsa pjesa tjetër është shpëtuar nga anije tregtare që kalonin në zonë dhe janë transferuar të sigurt në Xhibuti.
Sipas misionit Aspides, operacionin e rimëkëmbjes së anijes e ka marrë përsipër një kompani private.
Burime të sigurisë detare thanë se një anije zjarrfikëse ndodhej pranë “MV Falcon” të hënën, dhe përpjekjet për ta shpëtuar vazhdojnë ende.
“MV Falcon” po udhëtonte nga porti Sohar i Omanit drejt Xhibutit në momentin e shpërthimit.
Aspides u ka bërë thirrje anijeve që lundrojnë në zonë të tregojnë kujdes, pasi incidenti paraqet rrezik për lundrimin.
Anija, që mban flamurin e Kamerunit, ishte plotësisht e ngarkuar në momentin kur shpërthimi ndodhi.
