Shefi i OKB-së, António Guterres, kërkon që kompanitë e mëdha teknologjike të përdorin 100% energji të rinovueshme për qendrat e të dhënave të inteligjencës artificiale deri në vitin 2030.
Ai theksoi se AI ka nevojë të madhe për energji dhe ujë, ndaj përdorimi i saj duhet të jetë i qëndrueshëm.
Një qendër e zakonshme e AI konsumon aq sa 100,000 shtëpi, dhe ato më të mëdhatë deri në 20 herë më shumë.
Raporti i OKB-së dhe Agjencisë Ndërkombëtare për Energjinë e Rinovueshme paralajmëron se qendrat e të dhënave mund të konsumojnë po aq energji sa gjithë Japonia deri në vitin 2030.
Edhe pse energjia e pastër po përhapet me shpejtësi, vendet në zhvillim po mbeten pas.
Investimi në energji të pastër është i pabarabartë — Afrika mori vetëm 1.5% të investimeve globale në vitin 2024.
Pavarësisht sfidave, Guterres tha se tranzicioni drejt energjisë së pastër është i pandalshëm.
Më shumë se 90% e projekteve të reja të energjisë së rinovueshme janë më të lira se opsionet me karburante fosile.
Ai u bëri thirrje vendeve të G20 të udhëheqin përpjekjet për të ndaluar ngrohjen globale përpara samitit COP30 në Brazil.
Lidhja me industrinë e sigurimeve
Tranzicioni drejt energjisë së pastër dhe kontrolli i ndikimit të AI janë të lidhura ngushtë me mënyrën si menaxhohen dhe vlerësohen rreziqet në industrinë e sigurimeve.
Qendrat e të dhënave që përdorin AI konsumojnë shumë energji dhe ujë, duke shtuar rreziqe të reja për furnizimin me energji dhe burimet natyrore.
Tranzicioni drejt energjisë së pastër është thelbësor për të ndaluar përkeqësimin e krizës klimatike, e cila ndikon drejtpërdrejt në rritjen e dëmeve të sigurueshme: zjarre, përmbytje, stuhi.
Investimet në energji të pastër kërkojnë sigurim të specializuar: për ndërtimin e impianteve diellore, eolike, për riskun nga ndërprerja e prodhimit, etj.
InsureTech dhe Inteligjenca Artificiale në sigurime tashmë janë realitete dhe ne kemi raportuar tashmë në Sigurime.Online se ka patur raste kompanish tërësisht digjitale në industrinë siguruese.
