Historia e udhëtimit të transformimit të EJL5 filloi në mars 2022 me një vizion të fortë që pesë vendet e Evropës Juglindore të bashkohen dhe të bëhen një rajon i avancuar dhe modern.
Duke u mbështetur në ngjashmëritë kulturore dhe sinergjitë, rajoni i EJL5 ka një potencial të shkëlqyer për zhvillim të mëtejshëm, mund të reagojë shpejt dhe me shkathtësi, duke pranuar ndryshimet e përditshme teknologjike dhe kontribuon ndjeshëm në rritjen e fitimit të Grupit UNIQA.
Ky rajon përbëhet nga Bosnja dhe Hercegovina, Bullgaria, Kroacia, Mali i Zi dhe Serbia dhe udhëhiqet nga Adel Bahtanović, President i Rajonit. Aktualisht, rajoni përfaqëson grupin e tretë më të madh të kompanive brenda UNIQA International, duke i shërbyer thuajse 2 milionë klientëve, me 1700 punonjës dhe gjeneron më shumë se 260 milionë euro prime bruto.
Klientët janë gjithmonë të parët
Biznesi i rajonit është i fokusuar mbi të gjitha tek klientët. Nga dizenjimi i produkteve të thjeshtuara me cilësi më të lartë dhe ofrimi i shërbimeve më të mira të mundshme, menaxhimi i të dhënave, mendimi dhe puna përpara, me fokus të qartë në inovacionin dhe zgjidhjet më të avancuara të IT-së, si dhe investimi në komunitet dhe zhvillimi i qëndrueshëm.
“UNIQA dëshiron të pozicionohet në rajon si një partner i besueshëm për individët, klientët e korporatave dhe klientët e bankave. Ne do të punojmë për të forcuar ndërgjegjësimin për nevojën për të mbrojtur të siguruarit dhe për të ofruar zgjidhje të thjeshta dhe të shpejta për klientët e saj. Duke punuar si ekip, ne arritëm të përdorim praktikat më të mira nga pesë vende të rajonit të EJL dhe të arrijmë një koncept strategjik të zhdërvjellët, përfitimi i të cilit do të ndjehet nga punonjësit tanë dhe veçanërisht nga klientët tanë. Pasuria jonë më e madhe janë punonjësit tanë në rritjen e të cilëve ne investojmë vazhdimisht dhe me vëmendje të veçantë zhvillojmë talentet dhe aftësitë e tyre. Ne i kushtojmë një theks të veçantë dixhitalizimit dhe analizës së të dhënave në mënyrë që të përshpejtojmë dhe thjeshtojmë proceset, të cilat janë kyçe për zgjerimin e portofolit të klientëve tanë, si dhe për të fituar një pozitë udhëheqëse në tregun e sigurimeve në rajonin e EJL.” thotë Adel Bahtanoviq, President i Rajonit të EJL.
NJË RAJON, NJË EKIP, NJË STRATEGJI, NJË ZË, NJË KULTURË
Për ta bërë të gjithë procesin më të qetë, janë përfshirë skuadra transformimi. Ata kanë qenë guri i themeli të këtij rrugëtimi që në fillim. Ato janë ekipe të përziera të përkohshme, të zhdërvjellëta, plotësisht autonome, vetëorganizuese, ndërfunksionale, të përbëra nga 250 anëtarë nga të 5 vendet me përgjegjësi dhe aftësi të plota të nevojshme për të krijuar, zbatuar dhe ofruar zgjidhje të caktuara nga fundi në fund. Skuadrat do të pushojnë së qeni ekipe të dedikuara për disa nisma kalimtare nga mesi i nëntorit, kur gjithçka do të kalojë në biznes si zakonisht. Fillimi i plotë i modeleve të reja të funksionimit do të bëhet në fund të nëntorit. Pas një vizioni të qartë për të ardhmen e rajonit, arritjet më të rëndësishme deri tani janë:
- Zbatimi i Modelit Operativ të Synimit (TOM), me organizim rajonal dhe lokal, procese të përcaktuara dhe udhëzime pune.
- Krijimi i qeverisjes formale me Bordin Ekzekutiv Rajonal dhe ekipet e menaxhimit lokal.
- Transformimi në mënyrë të zhdërvjellët të punës – ndryshimi i bashkëpunimit dhe kulturës në rajon.
- Në më pak se pesë muaj, ~ 90% e ekipit rajonal konfirmuan Liderët Rajonalë (Senior) tashmë në bord dhe plotësisht funksionalë.
- 32 skuadra në funksion – deri në mes të nëntorit ~ 95% nismat janë gati për t’u ekzekutuar.
Me angazhimin, pjesëmarrjen dhe mbështetjen e të gjithë ekipit, në tetë muajt e parë, rajoni i EJL5 u rrit me 12% (krahasuar me të njëjtën periudhë të vitit 2021), duke gjeneruar 7.5 milionë euro fitime përpara tatimeve (EBT) dhe duke arritur rritjen më të lartë në të gjithë Grupi UNIQA.
Gjithçka ka të bëjë me njerëzit dhe qëllimet
Drejtuesit kryesorë të këtij transformimi të rëndësishëm janë kolegët tanë në rajon që punojnë shumë gjatë gjithë kohës, shkëmbejnë njohuri dhe përvojë, vazhdimisht mësojnë dhe përmirësohen, duke dhënë maksimumin e tyre për të mbështetur iniciativat strategjike për rritje dhe zhvillim të mëtejshëm në tregjet e këtyre 5 vendeve. Ky ekip me përvojë ka shumë për të realizuar dhe vazhdon të përmbushë objektivat kryesore:
- Arritjen e 30 milionë euro përpara tatimeve deri në vitin 2024;
- Arritja e vendit të tretë në treg në rajon;
- Dyfishimi i numrit të klientëve në 4 milionë;
- Krijimi i një platforme të vetme IT.
Në fund të shtatorit, në Sarajevë u mbajt ngjarja e parë rajonale që mblodhi njerëz udhëheqës nga rajoni. Janë planifikuar shumë aktivitete shtesë të përbashkëta që do të forcojnë një qasje të unifikuar. Grupi UNIQA ofron mbështetje të plotë për rajonin, gjë që u konfirmua nga Wolfgang Kindl, Anëtar i Bordit të UNIQA për Tregjet Ndërkombëtare.
“UNIQA Group është plotësisht dhe në një periudhë afatgjatë i përkushtuar ndaj EJL5, për të cilin presim të jetë një kontribues i rëndësishëm në rritje dhe fitim. Gjatë muajve të fundit, janë shfaqur shumë ide konstruktive, të cilat sigurisht do të jenë të dobishme dhe mundësisht të zbatueshme në nivel Grupi. Ne rritemi së bashku dhe mësojmë nga njëri-tjetri, të gjitha me synimin për të përmbushur nevojat e klientëve tanë,” ka theksuar Wolfgang Kindl.
Si simbol i së ardhmes së suksesshme të përbashkët, rritjes së mëtejshme dhe investimit afatgjatë në rajonin e EJL5 dhe në përputhje me strategjinë “UNIQA 3.0 – Farkëtimi i së Ardhmes”, do të mbillet një pemë nga çdo punonjës në çdo vend këtë vjeshtë. Kjo përmbledh deri në 1700 pemë në total, që do të thotë 1700 punonjës që plotësojnë vizionin e një rajoni me kokën, zemrat dhe duart e tyre.
