SIGAL INSURANCE GROUP ofron çdolloj siguracioni të nevojshëm për operatorët turistik në det. Kërkesat për certifikimin si operatorë detarë, në vitet e fundit, po dyfishohen.
Nga ana tjetër, në rritje po vijnë edhe kontrollet e policisë për pajisjen me dokumentacionin e duhur të këtyre mjeteve.
Pasja e siguracionit detar është domosdoshmëri, respekt ndaj klientëve turistë dhe vetes, ligjshmëri si edhe seriozitet.
SIGAL ju jep mundësinë t’i shtoni vlerë kapaciteteve tuaja si OPERATOR TURISTIK DETAR duke i patur këto sigurime
LEGJISLACIONI
Në pikën 1, gërma “e” e Kapitullit II të Udhëzimit nr. 4, dt. 31.12.2020, Mbi kriteret dhe procedurën për certifikimin e operatorëve të turizmit detar, shprehimisht thuhet se:
Subjekti, i cili kërkon të pajiset me certifikatën e operatorit të turizmit detar, për çdo aktivitet turistik detar ose/dhe për të gjitha aktivitetet, përveç respektimit të parashikimeve të ligjit nr. 43/2020, duhet të plotësojë kriteret e mëposhtme:
- e) të sigurojë përgjegjësitë ndaj palëve të treta në ujërat e detit të brendshëm dhe detit territorial të Republikës së Shqipërisë
A e zbatojnë të gjithë pronarët e mjeteve të vogla lundruese këtë detyrim?
SIGAL ofron çdo sigurim të nevojshëm për operatorët turistikë
Deti mbart shumë rreziqe të paparashikuara ndaj është thelbësore që pronarët dhe operatorët e mjeteve të lundrimit të kenë sigurimin e duhur për të parandaluar humbjet e panevojshme në rast aksidenti.
SIGURIMI I DETYRUESHËM NË SEKTORIN E TRANSPORTIT
Sipas Ligjit për “Sigurimin e Detyrueshëm në sektorin e transportit”, nr.32/2021, detyrimin për të lidhur kontratën e sigurimit të përgjegjësisë për dëmet ndaj pronës dhe personit, e ka pronari i mjetit lundrues, me fuqi motorike më të madhe se 15 kw.
Njësoj si “TPL” e autoveturës, ky sigurim mbulon dëmet ndaj palëve të treta.
Kufiri i dëmshpërblimit është 50 Milionë Lekë për dëme pasurore dhe shëndetësore, për çdo ngjarje.
Përkatësisht kjo shprehet qartë në nenet 50 dhe 51 të këtij ligji.
SIGURIMI I AKSIDENTEVE DHE SHËNDETIT TË UDHËTARËVE NË LUNDRIM
“Ligji Nr.32/2021”, në nenet 17, 18, 19 të tij, parashikon edhe sigurimin e detyrueshem ndaj aksidenteve dhe shendetit te udhetareve ne lundrim.
Për mjetet në transportin publik, siguruesi nuk lëshon kontratën e sigurimit të përgjegjësisë së pronarit nëse pronari i mjetit nuk zotëron edhe policën e sigurimit të pasagjerëve nga aksidentet në transportin publik, sipas përcaktimeve të nenit 17 të këtij ligji.
Kufiri minimal i dëmshpërblimit për çdo ulëse apo person në bordin e mjetit lundrues është:
- Në rast vdekje – 2 Milionë Lekë
- Në rast paaftesie të përhershme – 4 Milionë Lekë
- Në rast paaftesie të përkohshme dhe trajtimet mjekësore – 1 Milion Lekë
Ky sigurim ka një rëndësi kyçe, pasi pa siguruar udhëtarët, ligjërisht nuk ke të drejtë për të siguruar përgjegjësinë MVL.
SIGAL kompania më e madhe e sigurimeve në Shqipëri dhe rajon, i ofron të gjitha sigurimet e Marinës dhe garancinë e risigurimit prej gjigantëve të sigurimeve në botë, çka përbën një garanci më shumë për biznesin tuaj.
ONLINE mund të përllogarsini në varësi të të dhënave të mjetit edhe primin e sigurimit që do t’ju duhet të paguani:
Blini këtë siguracion në çdo zyrë të SIGAL INSURANCE GROUP në qytetin tuaj ose ONLINE nga celulari, shpejtë dhe thjeshtë, në www.sigal.com.al
